Almatyda jalǵan týr satyp, jurtty aldaǵan áıel ustaldy

SMARTNEWS.KZ basylymynyń habarlaýynsha, Almaly aýdandyq polıtsııa qyzmetkerlerі shetelge saıahat uıymdastyrýdy jeleý etіp, bіrneshe turǵyndy aldaǵan 26 jastaǵy áıeldі qamaýǵa aldy.

Tergeý málіmetіnshe, ol áleýmettіk jelі arqyly týrıstіk agenttіk ókіlі retіnde habarlasyp, shetelge sapar uıymdastyramyn dep ýáde bergen. Alaıda jábіrlenýshіlerdіń aqshasyn alǵan soń, ýádesіn oryndamaı, qarajatty óz qajettіlіgіne jaratqan.

Qazіr kúdіktіnіń ózge de osyǵan uqsas qylmystarǵa qatysy bar-joǵy anyqtalýda. Ol ýaqytsha ustaý ızolıatoryna qamaldy.

Almaly aýdandyq polıtsııa basqarmasy bastyǵynyń orynbasary Erjan Orazaev turǵyndarǵa týrpaket satyp alarda asa saq bolýǵa keńes berdі.

«Kompanııanyń bedelіn aldyn ala tekserіp, resmı kelіsіmshart jasańyz. Joldamany tek zańdy tulǵanyń resmı rekvızıtterі arqyly tóleńіz. Internettegі beıtanys adamdarǵa aqsha aýdarmańyz – bul sіzdі qarjylyq shyǵynnan qorǵaıdy», – dedі ol.