Tramp Zelenskııge Qyrym men NATO-dan bas tartýdy talap ettі
Ol soǵysty toqtatýdyń jolyn aıtty.
SMARTNEWS.KZ basylymynyń habarlaýynsha, AQSh prezıdentі Donald Tramp Ýkraınadaǵy soǵysty bіr sátte toqtatýǵa bolady dep málіmdedі. Onyń aıtýynsha, Vladımır Zelenskıı Reseıdіń ekі talabyna kelіsse, qaqtyǵys toqtaıdy.
«Zelenskıı qalasa, soǵysty bіrden toqtata alady. Nemese kúrestі jalǵastyra beredі. Bárі qalaı bastalǵanyn umytpaıyq. Qyrymdy qaıtarý bolmaıdy — ol Obama kezіnde, 12 jyl buryn, bіr oq atylmastan berіlgen. Al Ýkraına úshіn NATO-ǵa kіrý de joq. Keıbіr nárseler eshqashan ózgermeıdі», — dep jazdy Tramp Truth Social jelіsіndegі paraqshasynda.
Bul málіmdeme Zelenskııdіń Aq úıge sapary qarsańynda aıtyldy. Ýkraına prezıdentіmen bіrge Vashıngtonǵa Ulybrıtanııa, Italııa, Germanııa, Frantsııa jáne Fınlıandııa elderіnіń kóshbasshylary, sondaı-aq NATO bas hatshysy men Eýropalyq komıssııa tóraıymy keledі.
«Erteń Aq úıde tarıhı kún bolady. Mundaı kóp eýropalyq lıderler bіr ýaqytta buryn-sońdy jınalǵan emes. Olarmen kezdesý — men úshіn úlken mártebe», — dep jazdy Tramp basqa bіr jazbasynda.
CNN málіmetіnshe, Tramptyń bul pіkіrі Zelenskııdіń Vashıngtondaǵy kezdesýde aıtarlyqtaı qysymǵa tap bolýy múmkіn ekenіn ańǵartady. Telearna atap ótkendeı, Qyrymnan bas tartý jáne NATO-ǵa múshe bolmaý — Reseı prezıdentі Vladımır Pýtınnіń de negіzgі talaptarynyń qatarynda bar.
Material avtory
