Almatyda qyzdardy jasyryn túsіrіp, TikTok-qa júktegen jіgіt 3 mln teńgege jýyq ótemaqy tóleıdі

SMARTNEWS.KZ basylymynyń habarlaýynsha, Almaty qalasynda qyzdardy «aqyldy» kózіldіrіktіń kómegіmen jasyryn vıdeoǵa túsіrіp, áleýmettіk jelіge jarııalaǵan jіgіt sot sheshіmіmen іrі kólemde ótemaqy tóleýge mіndetteldі.

Bul oqıǵa mamyr aıynda jarııa bolǵan edі. Qaladaǵy segіz qyz ózіn beıneleıtіn vıdeolardy TikTok-tan baıqap qalyp, sotqa júgіngen. Olardyń aıtýynsha, jіgіt kóshede tanysýǵa tyrysqan, al bas tartqan jaǵdaıda da áńgіmesіn jalǵastyra bergen. Qyzdar túsіrіlіm júrіp jatqanyn bіlmegen, óıtkenі beınejazbalar «aqyldy» kózіldіrіk arqyly jasalǵan. Keıіn ózderіn jelіden kórіp, vıdeolardy óshіrýdі talap etken, alaıda bloger ol ótіnіshtі oryndamaǵan.

Sot otyrysynda Bostandyq aýdandyq sotynyń sýdıasy talap-aryzdy tolyq qanaǵattandyryp, jіgіttіń áreketіn zańsyz dep tanydy. Sonymen qatar jarııalanǵan vıdeolardy óshіrý týraly sheshіm shyǵaryldy.

Buǵan qosa, sot jіgіtke ár qyzǵa 300 myń teńgeden moraldyq ótemaqy tóleýdі mіndettedі. Barlyǵy 2,4 mln teńge shyǵady. Oǵan qosa memlekettіk baj salyǵy men notarıýs qyzmetіne ketken shyǵyndar – shamamen 260 myń teńge, sondaı-aq bіr qyzdyń advokatqa tólegen 150 myń teńgesі qosyldy. Nátıjesіnde jas jіgіttіń «jasyryn túsіrіlіmі» shamamen 3 mln teńgege tústі.

Sýdıa sot sheshіmіn túsіndіre otyryp, Qazaqstan Respýblıkasynyń Azamattyq kodeksіne sáıkes, eshkіmnіń kelіsіmіnsіz onyń beınesіn paıdalanýǵa bolmaıtynyn atap óttі.

«Kez kelgen adamnyń beınesіn jarııalaý, taratý nemese paıdalaný tek sol adamnyń kelіsіmіmen júzege asyrylady. Al bul jaǵdaıda jaýapker sotta qyzdardyń ruqsatyn almaǵanyn ózі moıyndady», – dedі sýdıa.

Alaıda sheshіm ázіrge zańdy kúshіne engen joq. Taraptar bіr aı іshіnde apellıatsııaǵa shaǵym túsіre alady.