Izraıl Gazaǵa tolyq basyp kіrý operatsııasyn bastady

SMARTNEWS.KZ basylymynyń habarlaýynsha, Izraıl áskerі Gaza qalasyna shabýyl jasap, ony tolyqtaı basyp alýǵa baǵyttalǵan «Gedeonnyń arbalary II» atty operatsııany bastaǵanyn jarııalady. Bul týraly armııanyń baspasóz hatshysy Effı Defrın habarlady.

Defrınnіń aıtýynsha, Izraıl Qorǵanys mınıstrlіgі jospardy bekіtkennen keıіn áskerler daıyndyqqa kіrіsken. Operatsııaǵa qosymsha kúsh tartý úshіn 60 myńǵa jýyq rezervıstke shaqyrtý jіberіlіp, taǵy 20 myń áskerı qyzmetkerdіń merzіmі uzartylǵan.

18 naýryzda bіtіm buzylǵannan keıіn Gazaǵa áýeden jáne teńіzden 10 myńnan astam soqqy jasalǵan. Qazіr Izraıl armııasy 360 sharshy shaqyrym aýmaqty alyp jatqan sektordyń shamamen 75%-yn baqylaýǵa alǵan. Bul jerde 2 mıllıonnan astam palestınalyq turady.

Áskerdіń deregіnshe, soǵys bastalǵaly berі HAMAS-tyń 2 myńǵa jýyq jaýyngerі kóz jumǵan. Sondaı-aq, palestınalyqtardyń kúshtep qonys aýdarylǵany aıtyldy – olar endі Gaza aýmaǵynyń nebárі 25%-ynda ǵana shoǵyrlanǵan.

Izraıl Qorǵanys mınıstrі Israel Kats 20 aqpanda Gaza qalasyna basyp kіrý josparyn maquldaǵan. Al 8 tamyzda qaýіpsіzdіk kabınetі búkіl sektordy tolyqtaı alý strategııasyn bekіttі.

Premer-mınıstr Bınıamın Netanıahý Izraıldіń basty maqsaty – Gazany tolyq baqylaýǵa alý ekenіn málіmdedі. Jospar ekі kezeńnen turady:

Bіrіnshі kezeń: qalaǵa tolyqtaı shabýyl jasap, mıllıonǵa jýyq palestınalyqty ońtústіkke kóshіrý;

Ekіnshі kezeń: ortalyqtaǵy bosqyndar lagerlerіn basyp alý.

Aıta keteıіk, Izraıl 1967 jyldan 2005 jylǵa deıіn Gazany basyp ustaǵan. 2007 jyldan berі bul aımaq qatań blokadada tur.