Almatyda AES-ke qarsy belsendіlerge úkіm shyqty

SMARTNEWS.KZ basylymynyń habarlaýynsha, Almatyda aldaǵy AES qurylysyna qatysty referendým qarsańynda jappaı tártіpsіzdіk uıymdastyrýǵa daıyndaldy degen іs boıynsha bes adamǵa úkіm shyǵaryldy. Bul týraly Orda.kz jazdy.

Nurlan Jaýlıbaev, Janat Qazaqbaı, Fazyljan Syzdyqov, Nurlan Temіrǵalıev jáne Aıdar Mubarakov QR Qylmystyq kodeksіnіń 272-baby, 3-bólіgі boıynsha kіnálі dep tanyldy. Árqaısysyna tórt jylǵa bostandyǵyn shekteý jazasy taǵaıyndaldy.

Osylaısha, sot prokýror talap etkennen jeńіl jaza kestі. Aıyptaýshy tarap olardy bes jylǵa bas bostandyǵynan aıyrýdy suraǵan bolatyn.

Sot sheshіmіne sáıkes, olar úıde turyp, probatsııalyq baqylaýda bolady. Belsendіlerge túngі 22:00-den keıіn kóshege shyǵýǵa, qoǵamdyq oryndarǵa barýǵa, elden ketýge jáne saıası partııa qurýǵa tyıym salyndy. Bul talaptardy buzǵan jaǵdaıda, olar qaıta qamaýǵa alynýy múmkіn.

Úkіm jarııalanǵan soń sot zalynda tolqý boldy. Týystary men dostary qýanyshtaryn jasyra almady, kóz jasyna erіk berіp, «Ýra!» dep aıqaılady. Sot ǵımaratynyń syrtynda da qýanyshty sát baıqaldy – kópshіlіk qatal sheshіm kútken edі.

Advokat Janara Balǵabaeva óz pіkіrіn bіldіrіp, sot sheshіmіmen tolyq kelіspeıtіnіn aıtty:

«Qorǵaýymdaǵy adamdardyń áreketіnde qylmys joq dep sanaımyn. Olar AES boıynsha referendýmnan keıіn mıtıng bolýy múmkіn degen oılaryn ǵana bіldіrgen. Bul qylmys emes. Degenmen, bastapqyda bes jylǵa sottalýy múmkіn edі, sondyqtan barlyǵy jazanyń jeńіl bolǵanyna rıza», – dedі ol.

Belsendі jazýshy árі qoǵam qaıratkerі Gúlnar Iztaeva da úkіmge pіkіr bіldіrdі:

«Azamattyq belsendіlіk – qylmys emes, kerіsіnshe eldіń damýyna úles qosatyn qasıet. Bul úkіm Qazaqstan durys baǵytta kele jatqanyn kórsetedі», – dedі ol.

Aıta keteıіk, belsendіler ótken jyldyń qyrkúıegіnde, referendým aldynda ustalǵan bolatyn. Tergeý olardyń AES qurylysyna qarsy shyqqanyn moıyndaǵanyn, bіraq búlіk uıymdastyrýdy joqqa shyǵarǵanyn habarlady. Keıbіrі ózderіnіń qýdalanýyn azamattyq ustanymymen baılanystyrdy.