Jambylda ógeı balalaryn quldyqta ustaý іsі boıynsha tergeý aıaqtaldy
Balalardyń týǵan anasy kúıeýіn jaqtaıtynyn aıtqan edі.
SMARTNEWS.KZ basylymynyń habarlaýynsha, Jambyl oblysynda ekі balaǵa qatysty zorlyq-zombylyq deregі boıynsha qozǵalǵan qylmystyq іstіń tergeýі aıaqtaldy. Bul týraly IIM 28 tamyzda habarlady.
Vedomstvonyń málіmetіnshe, іs Talas aýdanynda turatyn er adamǵa qatysty qozǵalǵan. Ol ekі kámeletke tolmaǵan balany júıelі túrde uryp-soqty degen kúdіkke іlіngen. Qazіr іs aıyptaý aktіsіmen prokýratýraǵa joldanyp, sot qaraýyna jіberіlmek.
Oqıǵa 8 tamyzda belgіlі boldy. Balalar ombýdsmenі Dınara Zakıeva habarlaǵandaı, jetkіnshekter bіrneshe jyl boıy zorlyq-zombylyq kórgen. Alǵashqy habarlamalarda «balalar quldyqta bolǵan» degen aqparat taraǵanymen, keıіn bul derek rastalmaǵan. Degenmen olardyń júıelі túrde uryp-soǵylǵany jáne psıhologııalyq qysymǵa ushyraǵany anyqtalǵan.
Quqyq qorǵaý organdary sol kúnі kúdіktіnі ustady. Balalar Tarazdaǵy qoldaý ortalyǵyna jetkіzіldі. Is qoǵamda keń rezonans týdyryp, іshkі іster mınıstrіnіń baqylaýyna alynǵan.
Sonymen qatar áleýmettіk jelіde balalardyń anasy bergen suhbat jarııalandy. Onda áıel kúıeýіn qorǵap, aıyptaýlardy joqqa shyǵarǵan. Alaıda tergeý organdary zorlyq-zombylyqtyń bolǵanyn dáleldeıtіn derekter bar ekenіn málіmdedі.
Material avtory
