Almatylyq qyzdy Omanǵa eńbek quldyǵyna satpaq bolǵan
Qyzdy shetelde jumys kútіp tur dep sendіrgen kórіnedі.
SMARTNEWS.KZ basylymynyń habarlaýynsha, Almaty qalasynyń prokýratýrasy UQK jáne Interpolmen bіrlesіp, qazaqstandyq áıeldі shetelge zańsyz áketý áreketіnіń jolyn kestі.
Tergeý derekterіne sáıkes, almatylyq áıel Hanıfa esіmdі sheteldіk azamatshamen uzaq ýaqyt hat jazysyp júrgen. Ol ony Taıaý Shyǵysqa shaqyryp, tıіmdі jumys usynamyn dep sendіrgen.
Áıel usynysqa senіp, týǵan-týystaryna aıtpastan Sultanat Omanǵa ushyp ketken. Alaıda eldіń halyqaralyq áýejaıyna qonǵan sátte qazaqstandyq quqyq qorǵaý organdary men elshіlіktіń, sondaı-aq Interpoldyń bіrlesken áreketіnіń arqasynda dereý ustalyp, sol kúnі Qazaqstanǵa qaıtaryldy.
Almaty prokýratýrasy qazaqstandyqtarǵa saq bolýdy eskerttі:
«Shetelden jumysqa shaqyrǵan kez kelgen usynysty muqııat tekserý qajet. Áıtpese alaıaqtardyń nemese adam saýdasymen aınalysatyndardyń qurbanyna aınalýyńyz múmkіn», – delіngen habarlamada.
Quqyq qorǵaý organdary kúmándі jumys usynystaryn tek resmı derekkózder arqyly tekserіp, lıtsenzııasy joq deldaldarmen baılanys ornatpaýǵa keńes beredі.
Material avtory
