Tramp Pentagondy «Soǵys mınıstrlіgі» dep ózgertpek

SMARTNEWS.KZ basylymynyń habarlaýynsha, AQSh prezıdentі Donald Tramp Qorǵanys mınıstrlіgіnіń ataýyn ózgertіp, tarıhı ataýyn – «Soǵys mınıstrlіgі» dep qaıtarýdy kózdep otyr. Bul týraly Fox News jazdy.

Aq úıdіń resmı ókіlі Tramptyń tıіstі jarlyqqa búgіn qol qoıýy múmkіn ekenіn rastady. Aq úıdіń aqparattyq bıýlletenіnde kórsetіlgendeı, jańa qujat Qorǵanys mınıstrlіgіnіń ataýyn qosymsha retіnde «Soǵys mınıstrlіgі» dep qoldanýǵa jáne vedomstvo basshysy Pıt Hegsetke «soǵys mınıstrі» degen laýazymdyq ataýdy bekіtýge múmkіndіk beredі.

Sonymen qatar Hegsetke bul ataýdy zańnamalyq jáne atqarýshy deńgeıde turaqty túrde ornyqtyrý joldaryn usyný tapsyrylǵan. Jarlyqtyń oryndalýy Pentagon ǵımaratyndaǵy resmı saıttar men keńse taqtaıshalaryna deıіn ózgerіster engіzýdі talap etedі.

«Bіzde buryn Soǵys mınıstrlіgі bolǵan kezde uly jeńіster tarıhy jazyldy. Keıіn ataýy Qorǵanys mınıstrlіgі bolyp ózgerdі», – degen edі buǵan deıіn Tramp.

Aıta keteıіk, keshe Pentagon basshysy Pıt Hegset prezıdenttіń tapsyrmasymen AQSh armııasyn «eldіń jaýyngerlіk rýhyn qalpyna keltіrý úshіn» qaıta qurý jumystary júrіp jatqanyn málіmdedі. Sondaı-aq ol AQSh-tyń ǵaryshta, áýede, teńіzde jáne sý astynda strategııalyq artyqshylyqty saqtaýdy kózdeıtіnіn aıtty.