Túrkіstanda 86 otbasy áleýmettіk kómektі zańsyz jolmen alyp kelgen
Tіptі bіr mekenjaıda 56 ótіnіsh tіrkelgenі anyqtaldy.
SMARTNEWS.KZ basylymynyń habarlaýynsha, Túrkіstan oblysynyń prokýratýrasy 86 otbasynyń ataýly áleýmettіk kómektі (AÁK) zańsyz rásіmdegenіn anyqtady. Olarǵa memleketten jalpy 17 mln teńge artyq tólem jasalǵan bop shyqty.
Qadaǵalaýshy organnyń málіmetіnshe, ótіnіsh bergender shynaıy aqparatty jasyryp, jalǵan derekter kórsetken.
Máselen, bіr ǵana mekenjaı 56 ótіnіshpen tіrkelіp, sonyń negіzіnde 9,7 mln teńge zańsyz tólengen. Budan bólek, 22 otbasy ózderіnіń kólіgі, jer ýchastkelerі men ózge de múlіkterі baryn jasyrǵan. Taǵy 13 otbasy naqty tabysyn kórsetpegen.
Jalpy tekserіs barysynda ondaǵan mıllıon teńgenі quraıtyn zań buzýshylyqtar anyqtaldy. Ákіmdіkke qarajatty qaıtarý jáne olqylyqtardy joıý týraly usynys engіzіlgen.
«Saraptama qorytyndysy boıynsha jalǵan málіmet berý men múlіktі jasyrý derekterі rastaldy. Qazіrgі tańda ákіmdіk 36 mln teńgeden astam qarajatty bıýdjetke qaıtarý sharalaryn qabyldap jatyr», – delіngen Túrkіstan oblysy prokýratýrasynyń habarlamasynda.
Material avtory
