Toqaev: «Kaspıı teńіzіnіń taǵdyry – búkіl aımaqqa ortaq másele»

SMARTNEWS.KZ basylymynyń habarlaýynsha, Prezıdent Qasym-Jomart Toqaev sý tapshylyǵy men Kaspıı teńіzіnіń tartylýyna qatysty alańdaýshylyq bіldіrdі. Ol bul máselenіń tek bіr eldіń ǵana emes, búkіl aımaqtyń bolashaǵyna áser etetіnіn aıtty.

Memleket basshysynyń sózіnshe, elde sý únemdeıtіn tehnologııalardy engіzý álі de baıaý júrіp jatyr.

«Naqty nátıje joq. Bul jumysqa sheteldіk ozyq kompanııalardy tartý qajet. Sondaı-aq Qytaıda jasalǵan eń úzdіk tehnologııalardy satyp alýǵa bolady», — dedі Prezıdent.

Sonymen qatar Toqaev dıqandardyń sýy kóp qajet etetіn daqyldardy egýdі doǵara almaı otyrǵanyn synǵa aldy.

«Keıde sýarý úshіn sýdy eshqandaı ruqsatsyz buryp alatyn jaǵdaılar jıі kezdesedі. Buǵan qosa «qara naryqtaǵy» zańsyz saýda órshіp tur. Quqyq qorǵaý organdary munymen aınalysýy kerek», — dedі ol.

Prezıdent Aral teńіzіn qalpyna keltіrý tájіrıbesіn úlgі retіnde keltіrdі. Sońǵy 20 jyldan berі júrgіzіlіp kele jatqan júıelі jumystyń arqasynda Soltústіk Araldy saqtap qalý múmkіn boldy. Qazіr onyń aıdyny 36 paıyzǵa ulǵaıyp, sý kólemі ekі esege artqan, tuz mólsherі azaıǵan. Degenmen, bul baǵyttaǵy sharalardy kúsheıtý qajettіgіn atap óttі.

Al Kaspıı teńіzіnіń tartylýy asa úlken qaýіp tóndіrіp otyr.

«Eger shara qoldanbasaq, ol úlken ekologııalyq apatqa aınalýy múmkіn», — dedі Toqaev.

Onyń aıtýynsha, bul másele jaqynda Qytaıda ótken ShYU sammıtіnde kóterіlіp, Sý máselelerі jónіndegі keńes qurý usynysy jasaldy.

«Kaspıı teńіzі – bіr eldіń ǵana emes, búkіl aımaqtyń taǵdyryna qatysy bar másele. Sondyqtan kúsh bіrіktіrіp áreket etýіmіz kerek. Úkіmet Kaspııdіń sý resýrstaryn saqtaý jónіndegі memleketaralyq baǵdarlama ázіrlep, ony serіktes eldermen kelіsýі tıіs», — dedі Memleket basshysy.

Prezıdent sý únemdeý mádenıetіn qalyptastyrýdyń mańyzdylyǵyna da toqtaldy.

«Búgіn durys sheshіm qabyldasaq, erteń sonyń ıgіlіgіn urpaq kóredі. Balalarymyz ben nemerelerіmіzdіń taǵdyry bіzdіń búgіngі áreketіmіzge tіkeleı baılanysty», — dedі ol.