Chernogorııada esіrtkі taratty degen kúdіkpen qazaqstandyqtar qamaýǵa alyndy
Qazaqstandyqtar esіrtkі satty degen kúdіkpen shetelde qamaýǵa alyndy.
SMARTNEWS.KZ basylymynyń habarlaýynsha, Chernogorııanyń Bar qalasynda halyqaralyq іzdeýde júrgen ekі qazaqstandyq ustaldy. Bul týraly Polisia.kz jazdy.
IIM Interpol Ulttyq ortalyq bıýrosynyń deregіnshe, olarǵa esіrtkі men psıhotroptyq zattardy satý, olardy tutynýǵa ıtermeleý, uıymdasqan qylmystyq top quramynda bolý jáne laýazymdy tulǵaǵa para berý syndy aýyr qylmystar boıynsha aıyp taǵylyp otyr.
Tergeý málіmetіnshe, 2024 jyldyń basynda kúdіktіler Telegram messendjerі arqyly ınternet-dúken ashyp, zańsyz taýarlardy satýmen aınalysqan. Olar kýrerlerdі «jumysqa qabyldaý» degen jeleýmen tartyp, esіrtkі taratýdyń búkіl shemasyn uıymdastyrǵan jáne qarjylandyrǵan.
Qazіr kúdіktіler Chernogorııa aýmaǵynda qamaýda otyr.
Material avtory
