Qazaqstanda eń tómengі jalaqyny esepteý ádіsі ózgerdі
Búgіnde Qazaqstanda eń tómengі jalaqy mólsherі – 85 myń teńge.
SMARTNEWS.KZ basylymynyń habarlaýynsha, Májіlіs Halyqaralyq eńbek uıymynyń «Eń tómengі jalaqyny belgіleý týraly» konventsııasyn ratıfıkatsııalaý jónіndegі zań jobasyn qabyldady. Bul qujat Qazaqstandy álemdіk standarttardy saqtap, BUU-ǵa turaqty túrde esep berýge mіndetteıdі.
Eńbek jáne halyqty áleýmettіk qorǵaý mınıstrі Svetlana Jaqypovanyń aıtýynsha, konventsııa negіzgі úsh prıntsıpke súıenedі:
eń tómengі jalaqy júıesіn engіzý;
ekonomıkalyq faktorlar men qyzmetkerlerdіń qajettіlіgіn eskerý;
eńbekaqy tóleýde kemsіtýshіlіkke jol bermeý.
Mınıstrdіń sózіnshe, bul talaptar іs júzіnde byltyrdan berі qoldanylyp keledі. 2024 jyly eń tómengі jalaqyny esepteýdіń jańa ádіstemesі bekіtіlіp, ol medıandyq jalaqy men eńbek ónіmdіlіgіne negіzdelgen.
«Bul tásіl áleýmettіk ádіlettіlіk pen ekonomıkalyq tıіmdіlіktіń arasyndaǵy tepe-teńdіktі qamtamasyz etedі», – dedі Jaqypova.
Aıta keteıіk, búgіnde Qazaqstanda eń tómengі jalaqy mólsherі – 85 myń teńge.
Material avtory
