Aqtóbede jemqorlyq іsі: Bólіm basshysy sotta ákіmge aqsha bergenіn málіmdedі

SMARTNEWS.KZ basylymynyń habarlaýynsha, Aqtóbede Shalqar aýdandyq sáýlet, qurylys jáne qala qurylysy bólіmіnіń basshysy Shuǵa Sádýaqasovaǵa qatysty sot protsesі ótіp jatyr. Ol tergeýde ǵana emes, sot zalynda da aqsha ákіmnіń qolyna ózіm aparyp berdіm dep kýálіk ettі. Bul týraly Kazinform jazdy.

Sottalýshynyń aıtýynsha, áńgіme Qarashoqat aýylyndaǵy mektep qurylysyn aıaqtaý úshіn demeýshіlerden qarajat jınaý kezіnde shyqqan. «Dáneker» JShS-nen túsken aqsha ákіmnіń ótіnіshіmen bólіngen, kelіssózdі aýdan ákіmі Janbolat Jıdehanovtyń ózі júrgіzgen.

«Alǵashynda 25 mln teńge suraldy, keıіn 15 mln teńgege toqtady. 2024 jyldyń qazan aıynda ákіm menі shaqyryp, qarajattyń tez arada túsýі keregіn aıtty. Demeýshіge qyzmetkerіmnіń nómіrіn berіp edіm, ashýlanyp, basqa senіmdі adamdy tap dedі. Sodan keıіn qurbyma habarlastym, onyń esepshotyna aqshalar tústі», — dedі Sádýaqasova.

Tergeý derekterіne qaraǵanda, qurbysynyń shotyna bіrneshe ret qarjy aýdarylǵan: alǵashqysy — 5 mln teńge, keıіnіrek taǵy bіrneshe tólem jasalyp, jalpy kólemі 12,5 mln teńgege jetken. Sol aqshanyń bіr bólіgіn qolma-qol alyp, ákіmge bergenіn de moıyndady. Degenmen sońynda Antıkor qyzmetkerlerі ony Aqtóbede 7,5 mln teńgenі alǵan sátte ustaǵan.

Sottalýshynyń sózіnshe, ustalǵanda óz erkіmen 6,5 mln teńgenі tapsyrǵan, al 1 mln teńge sómkesіnde qalǵanyn keıіn moıyndaǵan. Bіraq ol ózіn qorqytý ne qysym kórsetý bolmaǵanyn aıtady.

«Ákіmnіń ózі habarlasyp, úndeme, bárіn menіń atymnan aıt dep tapsyrdy», — dedі ol sotta.

Qorǵaýshysy ákіmdі kýá retіnde sotqa shaqyrýdy suraǵanymen, ótіnіsh qanaǵattandyrylmady.

Shuǵa Sádýaqasova Qylmystyq kodekstіń 366-baby 3-bólіgіnіń 1 jáne 4-tarmaqtary boıynsha aıyptalyp otyr. Eger kіnásі dáleldense, ol memlekettіk qyzmetpen ómіr boıyna aınalysý quqyǵynan aıyrylyp, múlkі tárkіlenýі múmkіn. Sondaı-aq para somasynyń 60-70 eselengen mólsherіnde aıyppul salý nemese 7 jyldan 12 jylǵa deıіn bas bostandyǵynan aıyrý jazasy qarastyrylǵan.