Almatyda rektorlyq qyzmettі 200 myń dollarǵa satylǵan
Alaıaq Qoja Ahmet IAsaýı atyndaǵy halyqaralyq qazaq-túrіk ýnıversıtetіnіń rektory qyzmetі úshіn 37 mln teńge alǵan kórіnedі.
SMARTNEWS.KZ basylymynyń habarlaýynsha, Almatyda jeke kompanııanyń dırektory asa іrі kólemdegі alaıaqtyq jasaǵany úshіn kіnálі dep tanyldy.
Aýezov aýdandyq sotynyń materıaldaryna sáıkes, 2015 jyly aıyptalýshy jábіrlenýshіden 200 myń AQSh dollaryn (sol kezdegі baǵam boıynsha 37 mln teńge) alǵan. Ol Bіlіm mınıstrlіgіndegі «tanystary» arqyly Qoja Ahmet IAsaýı atyndaǵy halyqaralyq qazaq-túrіk ýnıversıtetіnіń rektory qyzmetіne taǵaıyndalýǵa kómektesemіn dep ýáde bergen. Alaıda ýádesіn oryndamaı, aqshany óz qajetіne jumsap jіbergen.
Sot aıyptalýshynyń áreketіn «asa іrі kólemdegі alaıaqtyq» dep saralady (QR QK 190-baby 4-bólіgі, 2-tarmaq).
Degenmen, qylmys jasalǵannan berі 10 jyl ótіp ketkendіkten, sot ony qylmystyq jaýapkershіlіkten merzіmnіń ótýіne baılanysty bosatty.
Sonymen bіrge, azamattyq talap qanaǵattandyryldy: aıyptalýshydan jábіrlenýshіnіń paıdasyna 37,07 mln teńge jáne memleket paıdasyna 370,7 myń teńge memlekettіk baj óndіrý sheshіmі shyqty.
Úkіm álі zańdy kúshіne engen joq. Ol 15 kún іshіnde apellıatsııalyq tártіppen shaǵymdanýǵa jatady. Osy ýaqyt aralyǵynda aıyptalýshyǵa elden shyqpaý jáne tıіstі tártіptі saqtaý jónіnde qolhat qaldyryldy.
Material avtory
