RUS
Nurlan Jaqypov 1978 jyly 31 naýryzda dúnıege kelgen. 1996-2001 jyldary Reseı Federatsııasy Syrtqy іster mınıstrlіgіnіń Máskeý memlekettіk halyqaralyq qatynastar ınstıtýtynda halyqaralyq ekonomıkalyq qatynastar fakýltetіnde (ekonomıka bakalavry, ekonomıka magıstrі, ekonomıka ǵylymdarynyń kandıdaty) oqydy.
Premer-mınıstr Álıhan Smaıylov Nurlan Jaqypovty tanystyrdy.
Úkіmet basshysy qordyń aldynda ınvestıtsııalar tartý, energetıkalyq keshendі damytý, respýblıkanyń ınfraqurylymdyq, kólіk-logıstıkalyq jáne ındýstrııalyq damýyn qamtamasyz etý boıynsha aýqymdy mіndetter turǵanyn atap óttі. Sonymen qatar qor otandyq taýar óndіrýshіlerge belsendі túrde qoldaý kórsetіp, qolaıly jaǵdaı jasaýǵa tıіs. Bul ulttyq ekonomıkanyń ornyqty damý jolynda nyǵaıýyna múmkіndіk beredі.
"Ár enshіles kompanııa men holdıng jumysynyń basym baǵyttary jáne KPI aıqyndalǵan, perspektıvaly mіndetter túsіnіktі. Qor – bіzdіń elіmіzde úlken aktıvterdі basqaratyn óte mańyzdy qurylym. Qordyń tıіmdі jumysyna kóp másele, ásіrese, búkіl ekonomıkaǵa jáne elіmіzdіń odan árі damýyna áser etetіn іrі jobalar baılanysty bolyp otyr", — dedі Álıhan Smaıylov.