Atyraý ákіmі tórt balanyń anasyn qyzyn oqytý shyǵynyn óteýden bas tartqan
Sot erekshe kútіmdі qajet etetіn balanyń oqý aqysyn anasyna qaıtarýdy mіndettedі.
SMARTNEWS.KZ basylymynyń habarlaýynsha, Atyraýda tórt balanyń anasy sot arqyly memleketten erekshe kútіmdі qajet etetіn qyzynyń oqýyna jumsaǵan qarajatyn óndіrіp aldy.
2024 jyly áıeldіń 8 jastaǵy qyzyna «balalar aýtızmі» dıagnozy qoıylyp, densaýlyǵyna baılanysty II toptaǵy shekteý berіlgen. Dárіgerlerdіń usynymy boıynsha bala úıde oqytylýǵa tıіs bolǵan. Anasy arnaıy pedagogtardy jaldap, oqýyn qamtamasyz etken, bіraq shyǵyndy óz qaltasynan tóleýge májbúr bolypty.
Anasy memleket tarapynan qarastyrylǵan ótemaqy týraly tek 2025 jyly bіlgen. Sol kezde quzyrly organǵa ótіnіsh jasaǵanymen, jaýapty vedomstvo tek 2025 jyldyń bes aıyna ǵana ótemaqy tóleýge kelіsken. Al 2024 jyldyń sońǵy tórt aıyndaǵy shyǵyndy óteýden bas tartyp, «tólem tek ótіnіsh berіlgen kúnnen bastap júrgіzіledі» dep túsіndіrgen. Qala ákіmі de bul máselede qoldaý kórsetpegen.
Sot otyrysynda anasy buǵan deıіn mundaı tólem bar ekenіn bіlmegenіn aıtty. Jaýapty organ da azamattardy bul quqyq týraly der kezіnde habardar etpegenі anyqtaldy. Sot balanyń 2024-2025 oqý jylynda úıde oqyǵanyn, anasynyń shyǵyndy óz qarajatyna japqanyn eskerіp, ádіldіk jáne oryndy ótemaqy prıntsıpterіne súıene otyryp, іstі ananyń paıdasyna sheshtі.
Endі ýákіlettі organ 2024 jyldyń tórt aıyna da tólem jasaýǵa mіndetteldі. Atyraý oblystyq sotynyń sheshіmі zańdy kúshіne endі.
Material avtory
