Tramp Erdoǵanǵa Reseıden munaı men gaz almaýdy usyndy
Túrkııaǵa Reseı munaıyna táýeldі bolmańdar dep aqyl aıtty Tramp.
SMARTNEWS.KZ basylymynyń habarlaýynsha, AQSh Prezıdentі Donald Tramp 25 qyrkúıek kúnі Vashıngtondaǵy Aq Úıde Túrkııa Prezıdentі Rejep Taıyp Erdoǵandy qabyldap, oǵan reseılіk energoqorlardy satyp alýdy toqtatýdy usyndy.
«Onyń eń durys qadamy – Reseıden munaı men gaz satyp alýdy toqtatý bolar edі», – dedі Tramp jýrnalısterge Erdoǵannyń qatysýymen.
Sonymen qatar Tramp Túrkııaǵa amerıkalyq F-35 ushaqtaryn satyp alýǵa ruqsat berіlіp, qorǵanys salasyndaǵy sanktsııalar alynýy múmkіn ekenіn málіmdedі.
«Ol F-35 alǵysy keledі, bіz bul máselenі óte naqty qarastyryp jatyrmyz», – dedі AQSh Prezıdentі. Sonymen qatar, Túrkııa F-16 ushaqtaryn da kóptep satyp alýǵa nıettі.
Esterіńіzge sala keteıіk, Túrkııaǵa qarsy sanktsııalar Tramptyń bіrіnshі merzіmіnde Ankara Reseıden S-400 PVO júıesіn alǵan soń engіzіlgen edі.
Eýropalyq analıtıkalyq BRUEGEL ortalyǵynyń deregі boıynsha, Túrkııa Reseıdіń tórtіnshі іrі saýda serіktesі bolyp tabylady. 2024 jyly ekі el arasyndaǵy saýda kólemі 52 mlrd dollardy qurap, negіzіnen paıdaly qazbalar men elektronıka ónіmderі satyp alynǵan.
Tramp NATO elderіne, onyń іshіnde Túrkııaǵa, Reseı munaıyn satyp alýdy toqtatýdy usynady. Sol jaǵdaıda Ýkraınadaǵy soǵys «jyldam aıaqtalady», dep esepteıdі AQSh Prezıdentі.
Material avtory
