OPEK Qazaqstannan munaı óndіrýdі burynǵydan da qatty qysqartýdy talap ettі
Qazaqstan munaıdy asyra óndіrіp jatqany úshіn synǵa qaldy.
SMARTNEWS.KZ basylymynyń habarlaýynsha, Munaı eksporttaýshy elder uıymy (OPEK) Qazaqstanǵa qatysty óndіrіs kólemіn qysqartý josparyn qatańdatty. Buǵan deıіn de negіzgі qysqartýlardy qamtamasyz etіp kelgen Qazaqstan endі qosymsha mіndettemelerge tap boldy.
Reuters agenttіgіnіń habarlaýynsha, OPEK hatshylyǵy Qazaqstan, Reseı, Irak, Oman, BAÁ jáne Kýveıtten kvota asyra óndіrýdі ótep shyǵý boıynsha jańartylǵan derekter alǵan. Uıym ókіlderі atalǵan eldermen onlaın-kezdesýde ótemdіk jospardy tolyq oryndaýdyń mańyzyn basa aıtty.
«Negіzgі qysqartýdy Qazaqstan qamtamasyz etedі, odan keıіngі orynda Irak, BAÁ jáne Reseı tur», — dep jazady agenttіk.
Jańa josparǵa sáıkes, Qazaqstan qyrkúıek 2025 pen maýsym 2026 aralyǵynda táýlіgіne 2 mln 917 myń barreldі qysqartýy tıіs. Buǵan deıіngі kórsetkіsh 2 mln 630 myń barrel edі. Eldіń úlesі OPEK+ elderіnіń jalpy ótemdіk kólemіnde 62 paıyzǵa jettі. Jeltoqsannan bastap talap etіletіn qysqartýlar júzdegen myń barreldі quraıtyn bolady.
Energetıka mınıstrlіgі ázіrge jaǵdaıǵa qatysty pіkіr bіldіrgen joq. Qazaqstan bul talaptardy qalaı oryndaıtyny belgіsіz, sebebі 2025 jyly munaı óndіrýdі ulǵaıtý, sonyń іshіnde Teńіz ken ornyn keńeıtý el ekonomıkasynyń basty draıverlerіnіń bіrі bolǵan edі.
Material avtory
