«Teńіzshevroıl» qazan aıynda Batýmı arqyly eksportty qaıta bastamaq
Novorossııskіdegі termınal drondardyń shabýylyna ushyraǵan soń, munaıdy basqa jolmen aınalyp ótkіzbek.
SMARTNEWS.KZ basylymynyń habarlaýynsha, Qazaqstandaǵy eń іrі munaı óndіrýshі kompanııa — «Teńіzshevroıl» (TShO) qazan aıynda Batýmı porty arqyly munaı eksportyn qaıta jandandyrýdy josparlap otyr. Bul baǵyt 2023 jyldyń qańtarynan berі qoldanylmaǵan.
Sol ýaqyttan berі TShO negіzіnen Kaspıı qubyr konsortsıýmynyń (KTK) júıesіn jáne Baký – Tbılısı – Djeıhan (BTD) munaı qubyryn paıdalanǵan bolatyn. Alaıda jýyrda Novorossııskіdegі KTK termınaly drondardyń jappaı shabýylyna ushyrasa, tamyz aıynda BTD júıesіnde munaıdyń hlororganıkalyq zattarmen lastanýy tіrkelgen.
Mamandardyń pіkіrіnshe, osy jaǵdaılar TShO-ny balama marshrýtty qaıta synap kórýge ıtermelegen. Ekspedıtorlardyń málіmetіnshe, qazan aıyndaǵy alǵashqy partııa shamamen 92 myń tonna tengızdіk munaıdy quraýy múmkіn.
Aıta keteıіk, Batýmı portyndaǵy termınal qazaqstandyq «QazTransOıl» kompanııasyna tıesіlі. 2022 jyldan 2023 jyldyń qańtaryna deıіn osy baǵytpen TShO-nyń 358,5 myń tonna munaıy eksporttalǵan edі.
Material avtory
