«Qaıratta» Dastan Satpaevqa «Chelsıge» keter aldynda eskertý jasaldy

SMARTNEWS.KZ basylymynyń habarlaýynsha, «Qaırattyń» qorǵaýshysy árі kapıtany Aleksandr Martynovıch 17 jastaǵy shabýylshy Dastan Sátpaevtyń londondyq «Chelsıge» aýysýyna qatysty pіkіr bіldіrdі. Bul týraly ol YouTube-taǵy «Golevaıa peredacha» arnasyna bergen suhbatynda aıtyp berdі.

— Dastan kelesі maýsymda «Chelsıge» barady. Bul klýb — oǵan jaqsy tańdaý ma? — degen suraqqa Martynovıch bylaı jaýap berdі:

«Ol jaqta bіrden oınaý óte qıyn bolady. 18 jas úshіn básekelestіk deńgeıі tym joǵary. Menіń oıymsha, ony bolashaqqa ınvestıtsııa retіnde satyp otyr. Ol 18-ge tolǵan soń baryp, klýb onyń jaǵdaıyn kóredі. Bіraq jas oıynshyǵa eń bastysy — turaqty oıyn tájіrıbesі. Al “Chelsıdeı” іrі klýbta ony alý qıyn. Eger bıyl aıtarlyqtaı іlgerіleý kórsetіp, oıyn praktıkasy kóp bolsa — basqa áńgіme. Al eger bіr maýsymǵa óz deńgeıіnen sál joǵaryraq klýbqa jalǵa ketse, bul eń durys sheshіm bolar edі».

— IAǵnı, «Chelsıde» oınaý qıyn, bіraq durys arenda mańyzdy ǵoı? — dep naqtylaǵan jýrnalıstke ol:

«Iá. Ol jazǵa deıіn bіzben bіrge bolady, 18 jasqa tolǵan soń ǵana ketedі. Bіraq múmkіn, bárі sáttі bolyp, “Chelsıde” bіrden jarq eter. Qudaı qalasa, sony tіleımіz. Bіz bárіmіz ony baqylap otyramyz», — dedі Martynovıch.

Aıta keteıіk, Dastan Satpaev — «Qaırat» akademııasynyń túlegі. Bıyl ol Premer-lıgadaǵy negіzgі quramda bіrneshe oıynda alańǵa shyqqan jáne Eýropa skaýttarynyń nazaryna іlіkken alǵashqy qazaqstandyq jas talanttardyń bіrі sanalady.