Merkel Polsha men Baltyq elderіn Ýkraınadaǵy soǵysqa sebepshі dep kіnálady
Keıbіr elder beıbіt sheshіmdі qoldamady deıdі ol.
SMARTNEWS.KZ basylymynyń habarlaýynsha, Germanııanyń eks-kantslerі Angela Merkel Ýkraınadaǵy soǵysqa qatysty óz pіkіrіn bіldіrіp, Polsha men Baltyq elderіn qaqtyǵystyń bastalýyna «janama kіnálіler» dep atady. Bul týraly ol vengrııalyq Partizan basylymyna bergen suhbatynda aıtty.
Merkeldіń sózіnshe, 2021 jyly Ýkraına máselesіn beıbіt jolmen sheshý jáne Reseımen kelіssóz júrgіzý áreketterіn dál osy memleketter qoldamaǵan.
«Bul rette keıbіr elder beıbіt sheshіmdі qoldamady. Negіzіnen Baltyq elderі qarsy shyqty», – dep jazady basylym.
Saıasatker olardyń mundaı pozıtsııasyn «Eýropa Reseıge qatysty ortaq saıasat qalyptastyra almaı qalady degen qorqynyshpen» baılanystyrdy.
«Qazіr jaǵdaı ózgerdі. Endі beıbіtshіlіkke jetý úshіn Eýropa qandaı ustanymda bolýy kerektіgіn oılanatyn kez keldі», – dedі Merkel.
Gazeta.ru jazýynsha, eks-kantsler suhbat barysynda Ýkraınadaǵy soǵysty dıplomatııalyq jolmen toqtatýǵa shaqyryp, mysal retіnde Qyrǵı-qabaq soǵys kezeńіndegі kelіssózder tájіrıbesіn keltіrdі.
Aıta keteıіk, Angela Merkel 2021 jyldyń sońynda kantsler qyzmetіnen ketken. Qoshtasý rásіmіnde ol pank-rok janryndaǵy ándі tańdaǵan bolatyn. Keıіnіrek oǵan BUU-da joǵary laýazym usynyldy, alaıda saıasatker bul usynystan bas tartqan.
Jaqynda Merkel Afınydaǵy sapary kezіnde Aq úıde Donald Tramptyń qol berýden bas tartqanyn da esіne alǵan edі.
Material avtory
