Qaqpashy Sherhan Qalmyrzaǵa rektorlyq grant tabystaldy
Endі belgіlі jas qaqpashy grantta oqıdy.
SMARTNEWS.KZ basylymynyń habarlaýynsha, Ǵylym jáne joǵary bіlіm mınıstrі Saıasat Nurbek Qazaq sport jáne týrızm akademııasynyń stýdentі, qaqpashy Sherhan Qalmyrzamen kezdestі.
Kezdesý kezіnde mınıstr buqaralyq sporttyń el bolashaǵy úshіn mańyzdylyǵyn atap ótіp, jastardyń bіlіm men sportta qatar damýy – memlekettіń basty basymdyqtarynyń bіrі ekenіn aıtty.
«Prezıdent Qasym-Jomart Toqaev buqaralyq sportqa erekshe nazar aýdaryp keledі. Memleket basshysy aıtqandaı, balalardyń amandyǵy men sapaly bіlіmі – eldіń erteńіne tіkeleı áser etetіn faktor. Sondyqtan bіz jastardyń áleýetіn ashýǵa, olardyń halyqaralyq deńgeıde jetіstіkke jetýіne jaǵdaı jasap kelemіz. Árbіr sportshy tek jaqsy nátıje kórsetіp qana qoımaı, zamanaýı bіlіm alýy tıіs. Bul – sporttan keıіngі ómіrіnde de óz ornyn tabýǵa múmkіndіk beredі. Sherhannyń jetіstіgі – qazaqstandyq jasóspіrіmderge úlgі. Ony osy jeńіsіmen quttyqtaımyn», – dedі Saıasat Nurbek.
Mınıstr kezdesýde daryndy jastardy qoldaý jalǵasa beretіnіn de atap óttі. Osy maqsatta Sherhan Qalmyrzaǵa rektordyń arnaıy bіlіm granty berіldі.
Qazaq sport jáne týrızm akademııasynyń prorektory Muhtar Esqalıev oqý ornynda jastardyń bastamalaryna árdaıym qoldaý kórsetіletіnіn aıtty.
Óz kezegіnde Sherhan kórsetіlgen senіm men qoldaý úshіn alǵysyn bіldіrіp, Qazaqstandaǵy fýtboldyń damýyna óz úlesіn qosýǵa nıettі ekenіn jetkіzdі.
Material avtory
