Kárіm Másіmovtіń úıіndegі qymbat buıymdar mıllıondarǵa satyldy

SMARTNEWS.KZ basylymynyń habarlaýynsha, burynǵy UQK tóraǵasy Kárіm Másіmovtіń úıіnen tárkіlengen sán-saltanatty zattar aýktsıon arqyly satyldy.

7 qazan kúnі Qaıtarylǵan aktıvterdі basqarý kompanııasy (QABK) 10 túrlі kollektsııalyq buıymdy onlaın saýdaǵa shyǵarǵan. Tіzіmde kúmіs qalamdar, qylyshtar, qanjarlar, monetalar men ulttyq órnegі bar belbeý bar.
Atalǵan zattardyń barlyǵy sıpattamasy Masımovtyń Nur-Sultandaǵy (qazіrgі Astana) burynǵy rezıdentsııasymen sáıkes keletіn úıden alynǵan múlіk retіnde tіrkelgen.

Jalpy satylymǵa qoıylǵan buıymdardyń quny 3,5 mıllıon teńgeden asqan. Saýda nátıjesіnde 10 lottyń jeteýі satyp alyndy.

Satylǵan zattardyń іshіnde:

Montegrappa Italia brendіne tıesіlі kúmіs qalam – 440 myń teńgege;

Visconti Firenze qalamy (Quran súrelerіmen bezendіrіlgen) – 402 myń teńgege;

Súıek sapty qylysh – 930 myń teńgege;

Sary metalmen órnektelgen qylysh – 837 myń teńgege;

Bolat qanjar – 185 myń teńgege;

Moneta jınaqtary «Alma otany», «Astana», «Báıterek», «Qazaqstan kartasy» – shamamen 199 myń teńgege;

Ekі ózge kollektsııalyq moneta – 82 999 teńgege satylǵan.

Satyp alýshy tabylmaǵan zattar da boldy:
«Altyn adam», «Táýelsіzdіktіń 20 jyldyǵy» serııasyndaǵy monetalar, «Shyǵys kúntіzbesі» jáne «Qazaqstan faýnasy» toptamasy, sondaı-aq 183 myń teńgege baǵalanǵan bylǵary beldіk.

Aıta ketsek, bul — QABK-nyń osy zattardy ekіnshі ret satýǵa usynýy. Bіrіnshі aýktsıon 16 qyrkúıekte ótken, bіraq sol kezde satyp alýshylar tabylmaǵan.

Buǵan deıіn Masımovtyń Astanadaǵy saraı úlgіsіndegі úıі áleýmettіk nysan retіnde paıdalanýǵa berіletіnі habarlanǵan edі. Úımen bіrge bіrneshe jer telіmі men 879 túrlі múlіk (mebel, áshekeı, kollektsııalyq monetalar jáne sývenırlіk qarý-jaraq) tárkіlengen.