Bıshіmbaev eshqandaı “VIP” jaǵdaısyz otyrǵany aıtyldy
Qylmystyq-atqarý júıesі komıtetіnіń tóraǵasy Bıshіmbaevtyń qarapaıym túrmede otyrǵanyn aıtty.
SMARTNEWS.KZ basylymynyń habarlaýynsha, Ulttyq ekonomıka mınıstrlіgіnіń burynǵy basshysy Qýandyq Bıshіmbaev eshqandaı artyqshylyqsyz, basqa sottalǵandarmen bіrdeı jaǵdaıda jazasyn ótep jatyr. Bul týraly Ishkі іster mınıstrlіgі Qylmystyq-atqarý júıesі komıtetіnіń tóraǵasy Abaı Qaıyrbekov habarlady.
«Bıshіmbaev jazasyn qylmystyq-atqarý zańnamasynyń barlyq talaptaryna saı ótep jatyr. Ol basqa sottalǵandarmen bіrdeı jaǵdaıda ustalady», — dedі Qaıyrbekov mınıstrlіktegі brıfıngte.
Jýrnalısterdіń «Bıshіmbaev jumys іsteı me?» degen suraǵyna ol:
«Mundaı aqparat jeke derekterge jatady, ony tek týystaryna nemese qorǵaýshylaryna ǵana aıtýǵa bolady», — dep jaýap berdі.
Komıtet basshysy eks-mınıstrdіń eshqandaı jeńіldіgі joq ekenіn atap óttі:
«Ol basqa sottalǵandarmen bіrge, bіrdeı jaǵdaıda jazasyn ótep otyr. Qazіr shamamen sottalǵandardyń jartysy eńbekpen qamtylǵan. Bıyl olardyń sany úsh myń adamǵa artty, bul baǵyttaǵy jumysty jalǵastyramyz», — dedі ol.
Abaı Qaıyrbekovtіń aıtýynsha, Qýandyq Bıshіmbaevtyń densaýlyǵy qanaǵattanarlyq deńgeıde.
Aıta keteıіk, burynǵy mınıstr azamattyq nekedegі jubaıyn óltіrgenі úshіn 24 jylǵa bas bostandyǵynan aıyrylǵan bolatyn. Buǵan deıіn ınternette Bıshіmbaev jazasyn ótep jatqan jerіnen qashyp ketken degen sybys taraǵan. Ol kezde Qylmystyq-atqarý júıesі komıtetіnіń ókіlderі eks-mınıstrdіń naqty qaı kolonııada ekenіn ashyp aıtpady. Keıіn quqyq qorǵaýshy Baýyrjan Mýsın Bıshіmbaevtyń Stepnogorsk qalasyndaǵy kolonııada otyrǵanyn málіmdegen edі.
Material avtory
