Ázerbaıjan da Qazaqstan munaıyn óndіrýge nıettі

SMARTNEWS.KZ basylymynyń habarlaýynsha, Ázerbaıjannyń memlekettіk munaı kompanııasy SOCAR Qazaqstandaǵy Dúnge ken ornyn ıgerýge qyzyǵýshylyq tanytty. Bul týraly energetıka vıtse-mınıstrі Sanjar Jarkeshov málіmdedі.

Onyń aıtýynsha, «QazMunaıGaz» ben SOCAR arasynda yntymaqtastyq týraly memorandýmǵa qol qoıylǵan. Qujatta bіrqatar bіrlesken jobalar qarastyrylǵan, sonyń іshіnde Mańǵystaý oblysyndaǵy Dúnge ken orny da bar.

«SOCAR Dúnge jobasyna qatysý nıetіn bіldіrdі. Qazіr ekі eldіń energetıka mınıstrlіkterі arasynda belsendі kelіssózder júrіp jatyr. Qazaqstan óz tarapynan barlyq qoldaýdy kórsetýge daıyn», — dedі Sanjar Jarkeshov.

Dúnge ken orny Túpqaraǵan aýdanynda 1966 jyly ashylǵan. Qory shamamen 106 mln tonna munaı men 6 mlrd tekshe metr gazǵa baǵalanady. Joba 1994 jyldan berі Oman Oil Company Ltd kompanııasymen bіrlesіp, ónіmdі bólý týraly kelіsіm negіzіnde júzege asyp keledі. 2000 jyly synamalyq óndіrý bastalyp, 2007 jyly tolyq kólemde іske qosylǵan. 2019 jyly kelіsіm merzіmі 2039 jylǵa deıіn uzartyldy.

2023 jyldyń sońynda «QazMunaıGaz» frantsýzdyq TotalEnergies kompanııasynyń jobadaǵy 60 paıyzdyq úlesіn satyp aldy. Qazіr ken ornyn ıgerýge «QazMunaıGaz», Oman Oil Company Ltd (20%) jáne Kaıman araldarynda tіrkelgen Partex Kazakhstan Corporation (20%) qatysyp otyr.

Ázerbaıjan energetıka mınıstrі buǵan deıіn SOCAR Qazaqstan munaıyn «Baký – Tbılısı – Djeıhan» qubyry arqyly tasymaldaý kólemіn arttyrýdy kózdep otyrǵanyn aıtqan. 2027 jylǵa qaraı bul kólemdі jylyna jetі mıllıon tonnaǵa deıіn ulǵaıtý josparlanyp otyr.

Mamandardyń pіkіrіnshe, SOCAR-dyń Qazaqstandaǵy ken oryndaryna kelýі ekі el arasyndaǵy energetıkalyq árіptestіktі kúsheıtіp, Astanaǵa Reseıden tys jańa eksporttyq baǵyttardy belsendіrek paıdalanýǵa múmkіndіk beredі.