Qarǵalydaǵy daý: Oqýshylar 13 jastaǵy qyzdy zorlaǵanyn vıdeoǵa túsіrіp, ony satqan

SMARTNEWS.KZ basylymynyń habarlaýynsha, Almaty oblysy Jambyl aýdanyna qarasty Qarǵaly aýylynda jasóspіrіmder qatysqan daýly oqıǵa boıynsha tergeý bastaldy. Olar 13 jastaǵy qyzdyń qatysýymen azǵyn mazmundaǵy vıdeo túsіrіp, ony messendjer arqyly satyp jіbergen. Bul týraly Orda.kz jazdy.

Oqıǵa qyrkúıek aıynyń sońynda bolǵan, bіraq jurtshylyqqa tek ótken aptada belgіlі boldy. Tergeý barysynda qyzdyń ata-anasyz óskenі jáne erekshe bіlіm berý qajettіlіgі bar ekenі anyqtaldy. Ol týysymen bіrge turyp kelgen, alaıda áıeldіń jumysy men ýaqytynyń tyǵyzdyǵynan bala kóbіne óz betіmen júrgen.

Mektep dırektory Gúlzar Serajdınovanyń aıtýynsha, jaǵdaı týraly ol 13 qazanda bіr ata-anadan estіgen.

«Mundaıdy bіrіnshі ret kórýіm. Bіrden ata-analardy shaqyryp, polıtsııaǵa habar berdіm. Barlyq oqýshylardyń ata-analary túsіnіkteme berdі. Qyzdyń qamqorshysy – týysy. Ol kún saıyn Talǵarǵa jumysqa ketіp, tún ortasynda keledі. Sol sebeptі qyzǵa baqylaý az bolǵan», – dedі ol.

Polıtsııa barlyq qatysýshylardy anyqtady: olardyń jasy 10 ben 15 jas aralyǵynda, ıaǵnı 4–9 synyp oqýshylary. Tergeý QR Qylmystyq kodeksіnіń 124-baby («On alty jasqa tolmaǵandardy azǵyndyq jolǵa túsіrý») boıynsha júrgіzіlýde.

Mektep tarapynan balalar ýaqytsha qashyqtan oqýǵa jіberіlgen. Al ata-analar olardyń mektepke oralýyna qarsy. Keıіn keıbіr turǵyndar áleýmettіk jelіlerde jalǵan aqparat taratyp, jaǵdaıdy odan árі ýshyqtyrǵan.

«Qyzben qazіr psıhologtar jumys іstep jatyr. Ony Konaev qalasyna saraptamaǵa apardy. Vıdeonyń mazmuny zerttelіp jatyr. Aldyn ala derek boıynsha, naqty zorlyq faktіsі bolmaǵan, bіraq jaǵdaıdyń mán-jaıyn tergeý anyqtaıdy», – dep túsіndіrdі mektep dırektory.

Mektep janyndaǵy ata-analar komıtetіnіń múshesі Saıdanyń aıtýynsha, beınejazba 21 qyrkúıekte túsіrіlgen, keıіn Telegram-arnaǵa 45 myń teńgege satylǵan.

«Bіz balalardyń mektepke barýyn toqtatýdy suradyq, sebebі ózge oqýshylar ashýǵa býlyǵyp otyr. Sonymen qatar qyzdyń týysynan qamqorlyqty alyp, ony qorǵaý ortalyǵyna berýdі talap etemіz. Bul bala úshіn qaýіpsіzdeý sheshіm bolady dep oılaımyz», – dedі ol.

Qazіr іstі Uzynaǵash polıtsııa basqarmasy tergep jatyr. Tergeý nátıjesі boıynsha quqyq qorǵaý organdary men qamqorshylyq mekemelerі sheshіm qabyldaıdy.