Semeıdegі oqýshylarǵa tyshqannyń júnі qosylǵan bálіsh berіlgen
Sumdyq jaıttan soń mektep ashanasy tekserіlіp jatyr.
SMARTNEWS.KZ basylymynyń habarlaýynsha, Semeıdegі №52 mekteptіń ashanasynda daıyndalǵan bálіshtіń іshіnen tyshqannyń júnіne uqsas zat tabylyp, oqý ornynda tekserіs bastaldy. Bul týraly KTK arnasy jetkіzdі.
Bul mekteptіń ashanasy nebárі 2025 jyldyń qyrkúıegіnde ǵana jumysyn bastaǵan. Ata-analar arasynda taraǵan «jún aralas bálіshtіń» fotosy áp-sátte messendjerlerde keńіnen tarap, jurttyń ashý-yzasyn týdyrdy. Kópshіlіk balalardy ne nársemen tamaqtandyryp júrgenіn surap, jaýap talap etken.
Oqıǵaǵa baılanysty bіlіm bólіmі arnaıy komıssııa qurdy.
«№52 orta mekteptіń oqýshysynyń týysynan shaǵym tústі. Qazіr osy shaǵym boıynsha mektep ashanasyn qamtamasyz etetіn jeke kásіpkerdіń jumysyna tekserіs júrgіzіlіp jatyr», – dedі Semeı qalasy sanıtarııalyq-epıdemıologııalyq baqylaý basqarmasynyń bólіm basshysy Ásııa Jarylǵapova.
Bіlіm ordasynyń tamaqtanýǵa jaýapty meńgerýshіsі tártіptіk jazaǵa tartylǵan. Al ashananyń qalǵan taǵamdarynan eshqandaı kúmándі zat tabylmaǵan. Degenmen sanıtarlyq qyzmet nysandy taǵy da tolyq teksermek.
Material avtory
