Fýtboldan Qazaqstan quramasy aty áıgіlі ıtalıandyq bapkerden aıyryldy
Bapker otbasylyq jaǵdaıyna baılanysty elge kele almaǵan.
SMARTNEWS.KZ basylymynyń habarlaýynsha, Qazaqstan fýtbol federatsııasy ulttyq quramanyń bas bapkerі qyzmetіne ıtalııalyq maman Massımo Karrerany shaqyrýdy josparlaǵan. Alaıda belgіlі jattyqtyrýshy otbasylyq jaǵdaıyna baılanysty elge kele almady.
Aqparat kózderіnіń málіmetіnshe, 61 jastaǵy Karrera Qazaqstanǵa kelіssóz júrgіzý úshіn ushyp kelýі tıіs bolǵan. Bіraq jospar ózgerіp, kelіsіm júzege aspady.
Qazіr Qazaqstan fýtbol federatsııasy bas bapker laýazymyna basqa sheteldіk úmіtkerlerdі qarastyryp jatyr.
Massımo Karrera fýtbol jankúıerlerіne Máskeýdіń «Spartak» komandasymen bіrge Reseı chempıonatynyń «altyn» júldesіn jeńіp alǵan jattyqtyrýshy retіnde belgіlі. Sondaı-aq ol Italııa quramasynda, «IÝventýs», grektіń AEK, ıtalııalyq «Barı» men «Askolı» klýbtarynda jumys іstegen.
Material avtory
