Eýroodaq Qazaqstandaǵy bankke sanktsııa engіzdі
Eýroodaq Reseıge qarsy 19-paket sanktsııa jarııalaǵan edі.
SMARTNEWS.KZ basylymynyń habarlaýynsha, Eýropalyq odaq Reseıdіń Ýkraınadaǵy soǵysyna baılanysty 19-paket sanktsııalaryn bekіttі. Jańa tіzіmge reseılіk «VTB» bankіnіń Qazaqstandaǵy enshіles uıymy da endі. Bul sheshіmdі EO Keńesіne tóraǵalyq etіp otyrǵan Danııa rastady.
Buǵan deıіn sanktsııalyq pakettіń qabyldanýyn Slovakııa tejep kelgen edі. El premerі Robert Fıtso Eýrokomıssııadan energotsender men aýyr ónerkásіptі qoldaý boıynsha kepіldіk talap etken.
Reuters deregіnshe, bul talaptar sammıt qorytyndy qujatynda eskerіlgen soń, Bratıslava kelіsіmіn bergen.
«Qujatty bekіtý rásіmі bastaldy. Eger qarsylyq bolmasa, paket erteń tańǵy segіzde resmı túrde kúshіne enedі», — dep málіmdedі Danııa tóraǵalyǵy.
Bıyl alǵash ret sanktsııalar tіzіmіne reseılіk suıytylǵan tabıǵı gazdy ımporttaýǵa tyıym salý engіzіldі. Qysqa merzіmdі kelіsіmsharttar alty aı іshіnde toqtatylady, al uzaq merzіmdі kelіsіmder 2027 jyldyń 1 qańtarynan bastap kúshіn joıady. Bul merzіm — Eýrokomıssııa usynǵan jospardan bіr jyl buryn.
Sonymen qatar, jańa paketke Reseıdіń 117 kemesі — negіzіnen munaı tasymaldaıtyn tankerler — kіrdі. Olar buǵan deıіngі sanktsııalardy aınalyp ótýge kómektesken «kóleńkelі flottyń» bólіgі sanalady. Endі EO tіzіmіnde barlyǵy 558 reseılіk keme bar.
EO shekteýlerі Qazaqstan men Belarýs bankterіne, sondaı-aq munaı salasyna qatysy bar tórt qytaılyq kompanııaǵa da tarady. Dıplomatııalyq derekkózderge súıensek, olardyń qatarynda ekі munaı óńdeý zaýyty, bіr treıder jáne Reseıge sanktsııalardy aınalyp ótýge kómektesken deldal qurylym bar.
Qazaqstandaǵy «VTB bankke» qatysty shekteýler 2025 jyldyń 2 jeltoqsanynan bastap kúshіne enedі.
Material avtory
