Pasport quny – 1 mlrd teńge: Qulybaevtardyń uly Kıpr azamattyǵyn suraǵan
Kıpr bılіgіne ótіnіsh bergen baılardyń qatarynda Qulybaevtardyń uly da júr.
SMARTNEWS.KZ basylymynyń habarlaýynsha, Tımýr jáne Dınara Qulybaevtardyń uly Altaı Asqar Kıpr azamattyǵyn suraǵan. Bul týraly Telegram-daǵy «Vyhod k morıý» arnasy habarlady.
Málіmetke súıensek, Altaı Asqar 2019 jyly Kıprdіń «ınvestıtsııa arqyly azamattyq alý» baǵdarlamasyna ótіnіsh bergen. Bul baǵdarlama bіraz aıdan soń, 2020 jyldyń qarashasynda Eýroodaq qysymynan keıіn jabylǵan edі.
Ótіnіsh týraly aqparat Kıprdіń memlekettіk gazetіnde jarııalanǵan. Mundaı ótіnіshterdіń nátıjesі ashyq túrde jarııalanbaıdy, alaıda sol kezeńde Kıpr bılіgі álemnіń túkpіr-túkpіrіnen kelgen baı ınvestorlardyń derlіk bárіne oń jaýap bergen.
Jergіlіktі BAQ-tyń jazýynsha, keı jaǵdaıda tіptі óz elіnde qylmystyq іzdeýde júrgen sheteldіkter de Kıprdіń «altyn pasportyn» alǵan. Bul jaǵdaı Eýroodaqqa unamaı, 2020 jyly Al Jazeera arnasy jarııalaǵan іrі jýrnalıstіk zertteýden keıіn halyqaralyq janjalǵa ulasqan.
Osy daýyldan soń Brıýsseldіń qysymymen Kıpr úkіmetі «altyn pasport» baǵdarlamasyn tolyq japty.Baǵdarlamany japqanǵa deıіn 7 myńǵa jýyq adam (ınvestorlar jáne olardyń týystary) Kıpr azamattyǵyn alyp úlgergen.
Basty ótіnіsh berýshіge Kıpr pasportynyń quny shamamen €2,5 mln bolǵan, bul 2019 jylǵy baǵammen eseptegende shamamen 1,07 mlrd teńge. Sondaı-aq belgіlі bolǵandaı, Altaı Asqardyń Shveıtsarııada rezıdenttіk kartasy bar, al turaqty mekenjaı retіnde osy eldі kórsetken.
Aıta keteıіk, Qazaqstan zańnamasy qos azamattyqqa qatań tyıym salynǵan.
Material avtory
