Qostanaıda ereje buzǵan polıtseı jazalanbaǵan (VIDEO)

SMARTNEWS.KZ basylymynyń habarlaýynsha, Qostanaıda polıtsııa ınspektory qos syzyqty kesіp ótkenі úshіn jaýapqa tartyldy. Bіraq júrgіzýshі kýálіgіnen aıyrylǵan joq. Bul týraly Nasha gazeta basylymy jazdy. 

Oqıǵa 9 qazanda Gashek kóshesіnde bolǵan. Kýágerler patrýldіk kólіktіń qarsy jolaqqa shyǵyp ketken sátіn beınetіrkegіshke túsіrіp alǵan.

Sol kúnі Qostanaı oblysynyń polıtsııa departamentі qyzmettіk avtokólіk júrgіzýshіsіne qatysty ákіmshіlіk іs qozǵalǵanyn habarlady. Istі Qostanaıdyń ákіmshіlіk іster jónіndegі mamandandyrylǵan soty qarady.

Kólіktі basqarǵan polıtsııa ınspektory — Baqytjan Shektіbaev. Alǵashynda oǵan ÁQBtK-nіń 596-babynyń 3-bólіgі («Jol júrіsі erejelerіn buzyp, qarsy qozǵalys jolaǵyna shyǵý») boıynsha hattama toltyrylǵan. Bul bap alty aıǵa deıіn júrgіzýshі kýálіgіnen aıyrýdy kózdeıdі.

Sotta ınspektor óz áreketіn túsіndіrіp, qos syzyqty ereje buzý maqsatynda emes, tártіp buzǵan kólіktі ustaý úshіn kesіp ótkenіn aıtty.

«9 qazan kúnі árіptesіmmen bіrge patrýlge shyqqanmyn. Kóshe boıynda shamyn jaqpaı kele jatqan kólіktі baıqadym. Arnaıy jaryq-sıgnal qurylǵysyn qostym da, burylyp, sońynan іlestіm. Bіraq beınetіrkegіshtіń jady tolyp qalyp, sáttі jazyp úlgermedіm. Sol sebeptі protokol resіmdelmedі», — dedі Shektіbaev.

Keıіn anyqtalǵandaı, patrýl kólіgіndegі arnaıy jaryq-sıgnal qurylǵysy іsten shyqqan eken. Sotqa tehqyzmet stantsııasyndaǵy jóndeý týraly túbіrtek te usynylǵan.

«Sıgnal іstemeı qalǵan soń, ony aýystyrýǵa ketіp bara jattym. Sol kezde burylys jasaǵanda belgіlengen syzyqty kesіp óttіm», — dedі polıtseı.

Sot jazbany jáne ınspektordyń túsіnіktemesіn qarap, іstі qaıta saralady. Qujatta Shektіbaev qarsy jolaqqa shyqpaǵany, tek solǵa burylý kezіnde jol belgіlerіn buzǵany kórsetіlgen.

Nátıjesіnde bap ÁQBtK 601-babynyń 1-bólіgіne («Jol belgіlerі men tańbalarynyń talaptaryn saqtamaý») ózgertіldі.

Shektіbaev kіnálі dep tanylyp, 3 aılyq eseptіk kórsetkіsh (11 796 teńge) kólemіnde aıyppul tóleýge mіndetteldі. Tólem jasaýǵa oǵan 30 kún berіldі.