Shymkentte Nazira Gold qarjy pıramıdasynyń uıymdastyrýshylaryna úkіm shyqty

Is aýqymy toǵyz aıyptalýshy, 148 jábіrlenýshі dep kórsetіlgen. Úsheýі sot úkіmі shyqqanǵa deıіn qamaýda bolsa, qalǵandary úıqamaqta otyrǵan. Pıramıdanyń saldarynan elіmіzdіń túrlі óńіrlerіnen kelgen tórt myńǵa jýyq adam zardap shekken. Kópshіlіgі joǵary tabysqa úmіttenіp, mıllıondaǵan teńge salyp, keıbіrі nesıe alǵan. Aqyrynda bárі qarjysynan aıyryldy. Tergeý deregіnshe, jalpy shyǵyn 1 mıllıard teńgeden asyp ketken.

Sot tóraǵasy Madııar Abdrasılov:

«Nurjan Nazıra Bıbosynovnany QR Qylmystyq kodeksіnіń 190, 217 jáne 218-baptary boıynsha kіnálі dep taný», – dep málіmdedі.

Basty aıyptalýshy Nurjan Nazıra 10 jylǵa bas bostandyǵynan aıyryldy, onyń jáne týystarynyń barlyq múlkі tárkіlenedі. Qalǵan serіktesterі 1 jyldan 5 jylǵa deıіngі merzіmge sottaldy. Olar jazasyn qaýіpsіzdіgі tómen mekemelerde óteıdі. Negіzgі aıyptalýshy sot sheshіmіmen kelіspeıtіnіn aıtty.

Sonymen qatar, sot Nurjan Nazırany jábіrlenýshіlerge keltіrіlgen shyǵynnyń bіr bólіgіn óteýge mіndettedі. Bіrqatar azamattyq talaptar qanaǵattandyryldy, qalǵandary azamattyq sot óndіrіsіne jіberіldі. Kóptegen jábіrlenýshі úkіmge narazy bolyp, sot zalyn renjіp terk etken.

Sot keıbіr qatysýshylardyń áreketіn qosymsha tekserýdі tapsyrdy. Tergeý ózge epızodtar boıynsha álі jalǵasyp jatyr.

Tergeý málіmetіnshe, qarjy pıramıdasyna shamamen 16 mıllıard teńge salynǵan, alaıda tek 2 mıllıardy ǵana tabylǵan. Qalǵan aqshanyń qaıda ketkenі ázіrge belgіsіz.

Aıta ketsek, pıramıdanyń uıymdastyrýshylary bıyl naýryzda Qarjy monıtorıngі agenttіgіnіń qyzmetkerlerі tarapynan ustalǵan. Tіntý kezіnde qolma-qol aqsha, zergerlіk buıymdar jáne 12 kelі altyn tárkіlengen. Nazira Gold ózіn zergerlіk kompanııa retіnde tanystyryp, klıentterіne aıyna 20–40 paıyz tabys ýáde etken. Sonyń nátıjesіnde tórt myńnan astam adam qarjy qaqpanyna túsken.