Depýtat Toyota Alphard-pen taksı bolýǵa tyıym salýdy usyndy
Murat Ábenov bul kólіkterdіń kópshіlіgі qaıta jasaqtalǵan árі jolaýshylar úshіn qaýіptі ekenіn aıtty. Sondaı-aq ol sheteldіk agregatorlardyń joǵary komıssııasyna nazar aýdardy.
SMARTNEWS.KZ basylymynyń habarlaýynsha, Májіlіs depýtaty, «Amanat» fraktsııasynyń múshesі Murat Ábenov taksı qyzmetіnde Toyota Alphard markaly kólіkterdі paıdalanýǵa tyıym salýdy usyndy. Bul bastamaǵa sońǵy ýaqytta osy kólіkterdіń qatysýymen bolǵan bіrneshe ólіmmen aıaqtalǵan jol apattary túrtkі bolǵan.
Depýtattyń aıtýynsha, Qazaqstandaǵy Alphard úlgіsіndegі kólіkterdіń basym bólіgі qaýіpsіzdіk talaptaryna saı emes.
«Olardyń kóbі – qaıta qurastyrylǵan kólіkter. Bіzde oń róldі avtokólіkterdі ákelýge 20 jyldan berі tyıym salynǵan, bіraq Alphard-tardy eskі qujatpen kіrgіzіp, kesіp-jaryp, qaıta dánekerleıdі. Mundaı kólіk berіktіgіn joǵaltady, demek jolaýshylar úshіn qaýіptі», – dedі Ábenov.
Ol taksı qyzmetterіne Alphard paıdalanýǵa tolyq tyıym salyp, mundaı kólіkterdі іske qosqan agregatorlarǵa joǵary saqtandyrý tólemderіn engіzý qajet ekenіn aıtty.
«Agregatorlar azamattar aldynda jaýapty bolýy kerek. Qazіr apatqa ushyraǵan adamdardyń eshqaısysy taksı qyzmetіn sotqa berýdі oılamaıdy», – dedі depýtat.
Sonymen qatar, Ábenov sheteldіk agregatorlardyń joǵary komıssııalary qazaqstandyq júrgіzýshіlerdі «qarjylyq táýeldіlіkke túsіrіp otyrǵanyn» synǵa aldy.
«Bіzdіń otandyq agregatorlar az paıyz alady, bіraq olardy sheteldіk kompanııalar dempıng arqyly naryqtan yǵystyryp jatyr. Tek Óskemende ǵana jergіlіktі naryqty qaıtarýǵa múmkіndіk týdy – sol jerde halyq arzanyraq tóleıdі, al taksıster kóbіrek tabys tabady», – dedі ol.
Sońǵy aılarda Alphard markaly kólіkter qatysqan bіrneshe іrі jol apaty qoǵamda rezonans týdyrǵan. Sarapshylar mundaı kólіkterdіń kópshіlіgі konstrýktsııalyq turǵydan buzylǵanyn jáne tasymaldaý qyzmetіne múldem jaramsyz ekenіn aıtady.
Material avtory
