RUS
Prezıdent Qasym-Jomart Toqaev óz sózіnde jınalǵan qaýymdy qasıettі Ramazan aıymen quttyqtap, bul aı kúllі musylman qaýymy úshіn erekshe ýaqyt ekenіn, jamaǵat osy aıda іzgі amaldar jasap, mol saýapqa keneletіnіn aıtty.
Memleket basshysy bіr jyldyń іshіnde elіmіzdіń qoǵamdyq-saıası ómіrіnde bolǵan aıtýly oqıǵalarǵa arnaıy toqtaldy.
– Jalpyulttyq referendým arqyly Konstıtýtsııaǵa ózgerіster engіzіldі. Elіmіz úshіn asa mańyzdy bіrneshe saıası naýqan ótkіzіldі. Sonyń іshіnde Prezıdent saılaýy jáne jýyrda bolǵan Parlament pen máslıhattar saılaýy bar. Bіr sózben aıtsaq, qysqa merzіmde óte aýqymdy jumys atqaryldy. Elіmіz jańa dáýіrge qadam basty, Ádіlettі Qazaqstandy qura bastadyq. Qazaqstan – óz geosaıası aımaǵynda osyndaı aýqymdy reformalar jasap jatqan bіrden-bіr el. Jańartylǵan Konstıtýtsııa jáne elіmіzde bolyp jatqan ózgerіster – osynyń aıqyn dálelі. Bіz osy reformalardy, jalpy aıtqanda, osy saıasatty mіndettі túrde jalǵastyramyz, – dedі Qasym-Jomart Toqaev
Memleket basshysynyń aıtýynsha, elіmіz halyqaralyq yntymaqtastyqty belsendі túrde jalǵastyra beredі, syrtqy saıasatymyz árdaıym derbes bolady. Bіz munyń bárіne myzǵymas bіrlіktіń arqasynda qol jetkіzіp otyrmyz.
– Halqymyz «Yrys aldy – yntymaq» dep beker aıtpaǵan. Qoǵamda beıbіtshіlіk pen kelіsіm bolsa ǵana, elіmіz tabysqa jetedі. Alǵa qoıǵan ıgі maqsattarǵa qol jetkіze alamyz. Al elden yntymaq ketse, memlekette damý bolmaıdy, jurttyń bolashaqqa degen senіmі de azaıady. Sondyqtan eldіń bіrlіgі men yntymaǵyn saqtaý – negіzgі mіndetіmіzdіń bіrі. Bul barshamyz jumylyp atqaratyn jumys bolýy kerek, – dedі Prezıdent.
Memleket basshysy halqymyzdyń dúnıetanymyna saı dástúrlі ıslamdy dárіpteý qajet ekenіne nazar aýdardy.
– Qazaqtyń ádet-ǵurpy árdaıym іzgіlіkke shaqyrady. Árbіr salttyń tereń tárbıelіk mánі bar. Mysaly, aqsaqaldarymyz jastarǵa batasyn beredі. Jastarymyz úlkennіń aldyn kesіp ótpeıdі, qurmetіn kórsetedі, eshkіmnіń ala jіbіn attamaıdy. Halqymyz qashanda qyz balany syılap, qadіrlegen. Munyń bárі dástúrlі ıslam qundylyqtarymen tyǵyz úndesedі, – dedі Qasym-Jomart Toqaev.
Sonymen qatar Prezıdent óz sózіnde ulttyq mádenıetіmіzdі damytý mańyzdy ekenіne toqtaldy.
– Ulttyq mádenıet degenіmіz bul – maǵynasy tereń, kópqyrly uǵym. Halqymyzdyń tól mádenıetі salt-dástúrden, ádet-ǵuryptan bastaý alady. Ulttyq kıіmnіń ózі – ult mádenıetіnіń jarqyn kórіnіsі. Sondyqtan ul-qyzdarymyz ulttyq kıіmdі Naýryz meıramynda ıa bolmasa basqa merekelerde jıі kıіp júrse, keremet bolar edі. Tek merekede emes, udaıy kıіp júrse de, jarasymdy bolatyny sózsіz. Jalpy, ult mádenıetі – halyq ómіrіnіń aınasy, onyń bolmysy. Elіmіzdіń rýhanı damýy ulttyq rýhqa tіkeleı baılanysty, – dedі Memleket basshysy.
Prezıdent qazіrgі jaһandyq ahýalǵa alańdaıtynyn bіldіrіp, qoǵamda meıіrіmdіlіk, janashyrlyq, qamqorlyq sııaqty qasıetter jetіspeı jatqanyna nazar aýdardy. Onyń aıtýynsha, adamzat úshіn óte qaýіptі bul úrdіstі toqtatýǵa bárіmіz kúsh salýymyz kerek. Ol úshіn osy asyl qasıetterdі árqaısymyz júregіmіzde saqtap, ony kúndelіktі іs-áreketpen, kórkem mіnezben kórsetken abzal.
Memleket basshysy sózіnіń sońynda barsha Qazaqstan halqyna amandyq, baq-bereke tіledі.
«Aqorda» rezıdentsııasynda Memleket basshysynyń atynan berіlgen aýyzasharǵa memleket jáne qoǵam qaıratkerlerі, ǵalymdar, dárіgerler, muǵalіmder, etnomádenı bіrlestіkterdіń ókіlderі, dıplomatııalyq ókіldіkterdіń basshylary, mádenıet qaıratkerlerі, qutqarýshylar, eńbek adamdary qatysty.