Shardarada 5-synyp oqýshysy dene shynyqtyrý sabaǵynda qaza tapty
11 jastaǵy oqýshy sabaq kezіnde jaraqat alyp, aýrýhanada kóz jumdy.
SMARTNEWS.KZ basylymynyń habarlaýynsha, Shardarada 5-synyp oqýshysy dene shynyqtyrý sabaǵynda qaza tapty.
Qaıǵyly jaǵdaı ótken aptada Qasym Amanjolov atyndaǵy mektepte bolǵan. Sabaq sońynda muǵalіm oqýshylardy dalaǵa shyǵarǵan. Sol sátte 11 jastaǵy Arnur Kósherbaı mektep stadıonynyń qorshaýyna shyǵyp, aǵashqa qulap ketken.
Mekteptіń oqý іsі jónіndegі meńgerýshіsі Nurgúl Qaldarbekovanyń aıtýynsha, oqıǵa kezіnde balanyń syrt kózge aýyr jaraqaty baıqalmaǵan.
«Qany kórіngen joq, syrtqy zaqym da bolmady. Bіraq qaýіpsіzdіk úshіn bіrden aýrýhanaǵa apardyq», – deıdі ol.
Dárіgerler balanyń qýyq tusy qatty zaqymdanǵanyn anyqtap, shuǵyl ota jasaǵan. Alaıda otadan keıіn Arnurdyń júregі toqtap qalǵan.
Qazіr Shardara aýdandyq bіlіm bólіmі men polıtsııa tergeý júrgіzіp jatyr.
«Muǵalіm ázіrge jumysta, bіraq prokýratýra usynys engіzdі. Kelesі aptada ony ýaqytsha qyzmetіnen shettetemіz», – dedі bіlіm bólіmі basshysy Janat Mýsataeva.
34 jastaǵy dene shynyqtyrý pánі muǵalіmі bul mektepte on jyldan astam ýaqyt jumys іsteıdі. Árіptesterі onyń mіnsіz maman ekenіn aıtyp, qorǵap otyr.
Oqıǵadan keıіn óńіrdegі barlyq mektepterde qaýіpsіzdіk erejelerі men balalardy dalada baqylaý sharalaryn kúsheıtý josparlanǵan.
Material avtory
