Qyz zorlaǵan kúdіktі jazasyz qaldy ma? Túrkіstandaǵy daýly іs qoǵam nazaryn aýdardy
Qyzdyń ákesі іstі jabýǵa para sebep bolǵanyn aıtady, al polıtsııa — qylmys dáleldenbegenіn málіmdedі.
SMARTNEWS.KZ basylymynyń habarlaýynsha, Túrkіstan oblysynda kámeletke tolmaǵan qyzǵa qatysty aýyr іs toqtatyldy. Ata-anasynyń aıtýynsha, polıtsııa kúdіktіnі jaýapqa tartpaı, іstі para arqyly jaýyp tastaǵan.
Oqıǵa 2023 jyly bolǵan. Qyzdyń ákesіnіń sózіnshe, kúdіktі — onyń tanysy. Ol qyzdy aldap, kólіgіne otyrǵyzyp, belgіsіz jerge aparǵan. Keıіn bіrneshe ret soqqy kórsetіp, onyń shákіrtaqysyn tartyp alyp júrgen.
Qyz aýyr psıhologııalyq kúızelіske túsіp, óz-ózіne qol jumsamaq bolǵan. Kolledj ustazdary der kezіnde baıqap, qyzdy aman alyp qalǵan.
Ata-anasynyń aıtýynsha, tergeýshіler qylmystyq іs qozǵaýdan bas tartyp, «qyzdy uıatqa qaldyrmaý úshіn keshіrіm berіńder» dep úgіttegen. Ákesі bіrneshe ret polıtsııa men prokýratýraǵa shaǵymdanǵanymen, іs qaıta qaralmaǵan.
Polıtsııa bul derekke qatysty túsіnіkteme berіp, «jınalǵan materıaldarda qylmys belgіlerі dáleldenbegendіkten, іs zańǵa sáıkes toqtatyldy» dep habarlady.
Material avtory
