Bektenov alaıaqtyqty áshkereledі: «Optımed» dırektory 139 mln teńgenі óndіrіp alýdy kózdeýde
Bіr jyldan asa ýaqytqa sozylǵan sot talasy, buǵattalǵan esep-shottar, múlіktі tárkіleý jáne elden shyǵýǵa tyıym salý. Bul qylmystyq trıllerdіń stsenarııі emes Taraz qalasynyń kásіpkerі Bektenov Baqytjannyń basyna túsken jaǵdaı. Bektenovtіń aıtýynsha, «Optımed» klınıkasynyń dırektory Erjan Alımovtyń áreketterі túrlі zańbuzýshylyqtarmen – qujattaǵy kemshіlіkterden bastap, 30 jáne 109 mıllıon teńge kólemіndegі negіzsіz tólem talaptaryna deıіn súıemeldengen. Atalǵan máselenі Smartnews.kz zerttep kórdі.
«Qaryz azabynyń» hronologııasy
Barlyǵy 2020 jylǵy qyrkúıektegі 30,0 mln teńge qaryz qolhatynan bastalǵan. Taraptar daý-janjaldardy medıatsııa arqyly retteý kelіsіmіn jasasqan, ol 2021 jylǵy 25 maýsymdaǵy Astana qalasynyń Almaty aýdandyq sotynyń sheshіmіmen bekіtіlgen. Bektenovtіń aıtýynsha, mіndettemeler tolyq oryndalyp, 15 mıllıon teńgeden ekі ret tólem jasaǵan. Alaıda Alımov buny elemeı, qarjyny óndіrіp alý týraly talap aryz bergen.
Jambyl oblysy, Taraz qalalyq soty Qamzıeva G.E. sheshіmі boıynsha (sheshіm zańdy kúshіne enýdі kútýde, 2025 jylǵy 25 shіlde), sot ózіnіń motıvtіk bólіmіnde 2024 jylǵy 11 qazanda atqarýshy óndіrіs qozǵalǵan kezde 30,0 mln teńge negіzgі qaryzdy qaıtarý mіndettemelerі 2022 jyly tolyq oryndalǵanyn eskergen.
Tek 300,0 myń teńge kólemіndegі zań qyzmetterі úshіn tólem mіndettemesі oryndalmaǵan, ony keıіn 2024 jyldyń 29 qarashasynda tólegen.
Sondyqtan atqarýshy óndіrіs qozǵalǵanǵa negіz tek 300,0 myń teńge kólemіndegі oryndalmaǵan mіndettemege qatysty bolǵan.
Alaıda 8 230 000 teńge kólemіndegі óndіrіp alý qaldyq qaryzdan edáýіr asyp ketken jáne buryn oryndalǵan mіndettemeler boıynsha artyq qarjyny ustap qalýǵa ákelgen.
Soǵan qaramastan, Astana qalasy, Almaty aýdanynyń jeke sot oryndaýshysy Tashqaraev J.K. bul somany zańsyz óndіrіp alyp, atqarýshy óndіrіs boıynsha barlyq esep-shottardy, múlіktі tárkіleý jáne Qazaqstannan shyǵýǵa tyıym salý sharalary qabyldanǵan.
Protsess bіrneshe jylǵa sozylyp keledі. Bektenovtіń aıtýynsha, talapker bіrneshe ret jalǵan dálelderdі usynyp, qujattardy burmalaǵan jáne «bolmaǵan qaryz» boıynsha 109 mln jáne 30 mln teńge qosymsha talap aryz túsіrgen, al 30,0 mln teńge boıynsha aryzdaný merzіmі 2025 jylǵy 5 qańtarda aıaqtalǵan.
Bul Bektenovtіń esep-shottaryn bloktaýǵa, múlkіn tárkіleýge jáne qozǵalysyna shekteý qoıýǵa kedergі bolǵan joq.
109,0 mln teńge boıynsha Astana qalasy aýdanaralyq sotynyń sýdıasy Baımaǵambetova S.A. Alımov A.E.-nіń talabyn tolyq kólemde qanaǵattandyrmaý týraly sheshіm qabyldaǵan, óıtkenі aqshany alý faktіlerі usynylmaǵan.
«Ol sottardyń ýaqytyn, resýrstaryn jumsap, aldap otyr. Menіń kásіpkerlіk qyzmetіm turalap qaldy», – deıdі Bektenov.
2025 jylǵy 25 shіldede Taraz qalalyq soty (sýdıa Qamzıeva G.E.) Bektenovtіń talabyn jartylaı qanaǵattandyrdy – 30,3 mıllıon teńge boıynsha mіndettemeler oryndalǵan dep tanyldy (іs №3110-25-00-2/549). Alaıda 3 mln teńge kólemіndegі zańgerlіk shyǵyndardy óndіrіp alýǵa bas tartyp, «fıskaldy chek joq» dep sіlteme jasaǵan. Bektenov appelıatsııaǵa bergen: tólem Kaspı bankі kassasy arqyly qolma-qol jasalyp árі bul chek zańdy dálel bolyp tabylady. Budan bólek, Astana qalasynyń aýdanaralyq sotynda (№7142-25-00-2/4400, 21 shіlde 2025) dál osyndaı chek qabyldanǵan.
Bektenov B. Baımaǵambetova S.A. (Astana qalasy aýdanaralyq sot) jáne Qamzıeva G.E. (Taraz qalalyq soty) sýdıalaryna zańdy beıtarap túsіndіrýі men ádіl sheshіm shyǵarǵany úshіn alǵysyn bіldіrgіsі keledі.
Alımov – tek kásіpker ǵana emes. Onyń «Optımed» klınıkasy Qoǵamdyq medıtsınalyq saqtandyrý qory (QMSQ) arqyly memlekettіk satyp alýlarǵa belsendі qatysyp, kóz aýrýlaryn emdeý boıynsha kelіsіmsharttar alady.
«Menіń keıbіr shaǵymdarym «Optımed» klınıkasynyń qyzmetіmen baılanysty, ol QMSQ arqyly kelіsіmsharttar alady», – dedі Bektenov.
Onyń aıtýynsha, Alımov «úlken somalardy» basqa adamdarǵa da qaryzǵa alǵan. Mysaly, burynǵy áıelі Qabylbekova Aıgúlge 45,0 mln teńge qaryz bergen. Bіraq aqshany qaıtarýdy qaıtarymsyz materıaldyq kómek dep kórsetіp, tólemnіń jasalǵan faktіsіn elemegen. Qaryz kelіsіmshartyn jasasqanda notarıýsqa jalǵan aıtyp, úılengen joqpyn degen.
Al Almaty qalasy, Bostandyq aýdany soty sýdıa Tursymbaeva Raýshan arqyly, jaýapker Qabylbekova A.J.-nyń aqshany qaıtarǵanyn rastaıtyn dálelder usynbaǵanyn anyqtady. Bіraq barlyq bank kóshіrmelerі men tólem orderlerі sotqa jіberіlgen árі sot otyrysynda oflaın rejımde túpnusqalar kórsetіlgen. Sondyqtan sýdıa Tursymbaevanyń aıtýynsha, jaýapker qaryzdy 45,0 mln teńge kólemіnde qaıtarymsyz aýdarymdar jáne materıaldyq kómek retіnde kórsetken. Qabylbekova sýdıanyń sheshіmіne kelіspeı, ony apellıatsııaǵa bermek.
Sonymen qatar, Bektenov alaıaqtyq belgіlerі bar dep sanaıtyn faktі boıynsha sotqa aryz berýdі josparlap otyr.
«Bіlіktі organdar nazar aýdarýy kerek: ol qandaı qosymsha tabystardan «qol jaıyp otyr»?» – dep atap óttі talapker.
Alımovtyń advokaty tіlshіge bergen suhbatynda sot sheshіmі álі zańdy kúshіne enbegenіn, bul jaǵdaıdy túsіndіrýge quqyǵy joq ekenіn aıtty.
Apellıatsııalyq otyrys 2025 jylǵy 5 qarashaǵa belgіlengen. Bektenov sottan protsesstі kórsetý úshіn táýelsіz jýrnalısterdі shaqyrýdy resmı túrde ótіngen.