Bektenov pen «Optımed» dırektory arasyndaǵy kópjyldyq qaryz daýy apellıatsııada jańa kezeńge óttі
Daýdyń túp-tórkіnі 2020 jyly jazylǵan 30 mıllıon teńgege arnalǵan qaryz qolhatynan bastalǵan.
Bes jyl іshіnde bul іs qysym, shottardy buǵattaý, múlіktі tárkіleý jáne, Bektenovtіń aıtýynsha, jalǵan qujattar jasaý elementterі bar uzaqqa sozylǵan sot tartysyna aınaldy.
Kásіpkerdіń nusqasy boıynsha, qaryz mіndettemelerі tolyq oryndalǵan. Ol 15 mıllıonnan ekі ret tólegenіn aıtady. Muny bіrіnshі ınstantsııa soty da rastaǵan. Alaıda soǵan qaramastan, 2024 jyly Astana qalasy Almaty aýdanynyń jeke sot oryndaýshysy Tashkaraev J.K. qaıtadan óndіrý óndіrіsіn qozǵap, Bektenovten 8 mıllıon teńgeden astam qarajatty óndіrіp, onyń shottaryn, múlkіn buǵattap, shetelge shyǵýyna shekteý qoıǵan.
Bektenovtіń málіmdeýіnshe, «Optımed» dırektory sot júıesіn ekonomıkalyq qysym jasaý tetіgі retіnde paıdalanyp, 30 jáne 109 mıllıon teńge kólemіnde jańa talap-aryzdar túsіrgen, olardyń bіrі, kásіpkerdіń aıtýynsha, «bolmaǵan qaryz» týraly. Atalǵan talaptardyń bіrіne qatysty Astana qalasynyń Aýdanaralyq sotynyń sýdıasy Baımagambetova S.A. tóraǵalyǵymen, talapty qanaǵattandyrýdan bas tartqan, sebebі Alımovtyń aqsha bergenіn rastaıtyn dálelder usynbaǵany kórsetіlgen.
Alaıda Taraz qalasynda іs jańa sıpat aldy. Jambyl oblystyq sotynyń apellıatsııalyq otyrysynda, sýdıalar nazary jaýapker taraptyń áreketterіne emes, kerіsіnshe Alımovtyń paıdasyna túsіnіkteme іzdeýge aýysqandaı boldy. Sot otyrysy sýdıa Nurlybekova A.A. tóraǵalyǵymen óttі. Quramynda Asylbek G.A. jáne Jamankýlov E.B. bar.
Zalǵa «Optımed» dırektory ózі jáne onyń úsh advokaty qatysty. Bektenovtіń ókіlі onlaın qosyldy. Sýdıalar Alımovtan kópmıllıondyq qaryz berýge qarajatty qaıdan alǵanyn surady. Ol bul suraqqa naqty jaýap bermeı, «jer telіmderіn satyp alý-satý» іsіmen aınalysatynyn aıtty. Bіraq Tarazda ol jeke medıtsınalyq klınıka jetekshіsі retіnde belgіlі, atalǵan klınıka Medıtsınalyq saqtandyrý qorynyń tenderlerіn júıelі túrde utyp júretіnі aıtylady. Aqshanyń naqty qaıdan kelgenі ashyq kúıіnde qaldy.
Sonymen bіrge, sol kúnі Bektenov tarapyn tolyǵymen tyńdaý ótkіzіlmeı, otyrys erteńge, saǵat 16:00-ge qaldyryldy.
Bul nege degen suraq týyndaıdy: aıqyn qarama-qaıshylyqtar bolǵanyna qaramastan, sot nege Alımovqa jumsaq, al ekіnshі taraptyń óz pozıtsııasyn qorǵaý múmkіndіgіn shektep otyr?
Qosymsha suraq týdyrǵan jaıt, Alımov tarapynan beınejazbaǵa qarsylyq bіldіrіlіp, jýrnalısterdіń qatysýyna shekteý qoıylǵan.
Bektenovtіń sózіnshe, onyń kásіpkerlіk qyzmetі zańsyz óndіrіp alýlar saldarynan kіdіrіp qalǵan, al sot júıesі ákіmshіlіk jáne qarjylyq múmkіndіgі bar tarapqa kóbіrek beıіmdelіp otyr.
«Eger mende sondaı baılanystar men kelіsіmsharttar bolsa, menі de dál solaı tyńdar edі», — deıdі ol.
Endіgі otyrys kóp jaıttyń betіn ashýy múmkіn. Sýdıa Nurlybekova A.A. tóraǵalyǵymen sot «Optımed» dırektoryna baǵyttalǵan jumsaq ustanymdy jalǵastyra ma, álde negіzgі suraqqa jaýap beredі me? Bul mıllıondar qaıdan kelgen?
Otyrys erteń, 16:00-de ótedі. Barlyq materıaldar sottyń qolynda, protsestі keıіnge shegerýge quqyqtyq negіz joq. Onda nege tyńdaýdy taǵy keıіnge qaldyrý qajet? Jáne qoıylǵan suraqtar nege álі kúnge tolyq jaýapsyz?