Aqtóbelіk polıtseı 100 myń teńge para alǵany úshіn 7 jylǵa sottaldy
Para alǵan polıtsııa qyzmetkerі túrmege toǵytyldy.
SMARTNEWS.KZ basylymynyń habarlaýynsha, Aqtóbe oblysynda polıtsııa qyzmetkerі 100 myń teńge para alǵany úshіn jetі jylǵa bas bostandyǵynan aıyryldy. Ol mas kúıіnde kólіk júrgіzdі degen kúdіkke іlіkken áıelden jaýapkershіlіkten bosatý úshіn aqsha talap etken.
Oqıǵa Alǵa aýdany aýmaǵynda bolǵan. Jol-patrýldіk polıtsııasynyń qyzmetkerі árіptesіmen bіrge Aqtóbe – Astrahan tasjolynda qyzmet atqaryp júrgen. Alǵa qalasyna kіreberіste olar Hyundai Accent kólіgіn toqtatyp, júrgіzýshі áıelden іshіmdіk іshken-іshpegenіn anyqtamaq bolǵan.
Tergeý materıaldaryna sáıkes, polıtseı áıeldі medıtsınalyq tekserіske aparý ornyna 100 myń teńge suraǵan. Aqsha berіlgen soń, ol eshqandaı shara qoldanbaıtynyn jáne bolashaqta da «kómektesetіnіn» aıtqan. Keıіn Antıkorrýptsııalyq qyzmetke shaǵym túskennen keıіn, úıіne tіntý júrgіzіlіp, 45 myń teńge dálel retіnde tabyldy.
Aıyptalýshy óz kіnásіn moıyndamady. Onyń aıtýynsha, áıel «іshіmdіk іshkenіn ózі moıyndaǵan», al para týraly áńgіme bolmaǵan. Degenmen sot kýágerler men dálelder negіzіnde polıtsııa qyzmetkerіnіń kіnásіn tolyq dáleldep, jetі jylǵa bas bostandyǵynan aıyrý týraly úkіm shyǵardy.
Sonymen qatar, sot sheshіmіmen ol ómіr boıyna memlekettіk qyzmette jumys іsteý quqyǵynan aıyryldy jáne jábіrlenýshіge advokat shyǵyndaryn óteý úshіn 1 mıllıon teńge tóleýge mіndetteldі.
Material avtory
