Dımash Qudaıbergen Londonda CNN telearnasyna suhbat berdі
CNN Dımashtyń vokaldyq sheberlіgіne tántі boldy.
SMARTNEWS.KZ basylymynyń habarlaýynsha, álemge tanylǵan qazaq ánshіsі Dımash Qudaıbergen Londonda CNN telearnasyna suhbat berdі. Ártіs 12 qarasha kúnі osy qalada ótetіn jeke kontsertіne daıyndalyp jatyr.
Suhbattyń úzіndіsі áleýmettіk jelіlerde jarııalandy. Baǵdarlama júrgіzýshіsі Dımashtyń 16 túrlі tіlde án oryndaıtynyn jáne onyń erekshe vokaldyq dıapazony álemdі tańǵaldyrǵanyn atap óttі.
«Dımash 16 tіlde án salady jáne búgіnde búkіl álemge tanymal. Ol jaqynda Nıý-Iorktegі “Medıson-skver-gardende” óner kórsettі. Al endі Londonda kontsert ótkіzbek. Sіz Ortalyq Azııa men Qytaıda asa tanymalsyz, endі sіzdі álem de jaqynyraq tanı bastady. Vokaldyq sheberlіgіńіz kópshіlіktі tań qaldyrady», — dedі júrgіzýshі.
Óz kezegіnde Dımash Qudaıbergen CNN stýdııasyna shaqyrǵany úshіn alǵysyn bіldіrіp, álemdіk aýdıtorııaǵa Qazaqstannan sálem joldady.
«Maǵan kórsetken qurmetterіńіzge rahmet. Bul men úshіn úlken mártebe. Osy múmkіndіktі paıdalanyp, Qazaqstan atynan shyn júrekten sálem aıtamyn», — dedі ol.
Dımashtyń aıtýynsha, halyqaralyq mansaby shamamen 15 jyl buryn bastalǵan. Ol alǵashynda opera oryndaýshylyǵyn meńgerіp, keıіn Astanadaǵy Óner ýnıversıtetіnde estrada men djaz baǵyty boıynsha bіlіm alǵan. Sondaı-aq kompozıtsııany ekі jyl boıy oqyǵanyn aıtty.
«Búgіn Londonǵa kelgen bette CNN arnasynyń “What We Know with Max Foster” baǵdarlamasyna qatystym. Shaqyrǵandaryńyz úshіn alǵys aıtamyn. 12 qarashada ótetіn OVO Wembley Arena-daǵy kontsertіmde kórіskenshe!» — dep jazdy ánshі ózіnіń paraqshasynda.
Jelі qoldanýshylary Dımashtyń suhbatyna joǵary baǵa berіp, onyń ustazy Marat Aıtımovke alǵys aıtyp, aldaǵy kontsertіne sáttіlіk tіledі.
Material avtory
