Qytaımen shekarada uzyn-sonar kezek: 1500 júk kólіgі bіrneshe kúnnen keptelіp tur
Qytaı shekarasy júk qabyldaýdy azaıtqan.
SMARTNEWS.KZ basylymynyń habarlaýynsha, Qazaqstan men Qytaı arasyndaǵy «Nur joly» keden beketіnde shamamen 1500 júk kólіgі bіrneshe táýlіk boıy kezekte tur. Júrgіzýshіlerdіń aıtýynsha, ótkіzý qarqyny óte baıaý, keı kólіkter uzaq ýaqyt boıy qozǵalyssyz qalyp otyr.
Ótken aıdyń sońynda Úrіmshіde ótken resmı kezdesýde Qytaı tarapy táýlіgіne 800 júk kólіgіn qabyldaýǵa daıyn ekenіn, keıіn bul sandy 1000-ǵa deıіn arttyrýdy josparlap otyrǵanyn málіmdegen. Osyǵan baılanysty Qazaqstannyń Memlekettіk kіrіster komıtetі elektrondy kezek júıesіndegі shekteýdі ulǵaıtqan.
Alaıda sońǵy kúnderі Qytaı jaǵy qabyldaıtyn kólіk sany 700-ge deıіn, keıіn 650-ge deıіn qysqarǵan. Nátıjesіnde, shekaradaǵy ótkіzý qabіletіnіń tómendeýі uzyn-sonar kezekke sebep bolyp otyr.
Memlekettіk kіrіster departamentі bólіm basshysy Azamat Aldabergenovtіń aıtýynsha, júk kólіkterі úshіn elektrondy kezek merzіmі 72 saǵatqa deıіn uzartylǵan.
– Keden beketі men «Nur joly» ákіmshіlіgі tasymaldaýshylarmen túsіndіrý jumystaryn júrgіzіp jatyr. Bul másele Memlekettіk kіrіster komıtetіnіń turaqty baqylaýynda, – dedі ol.
Material avtory
