Elena Rybakına álemnіń eń tańdaýly tennısshіlerі qataryna endі

SMARTNEWS.KZ basylymynyń habarlaýynsha, avstralııalyq tennısshі Nık Kırostyń burynǵy jattyqtyrýshysy Saımon Rı Qazaqstannyń álemdіk reıtıngte besіnshі orynda turǵan tennısshіsі Elena Rybakınanyń WTA Fınalyndaǵy oıynyna joǵary baǵa berdі. Onyń aıtýynsha, Er-Rııadtaǵy sheshýshі kezdesýde Rybakına kórsetken deńgeı – tarıhı kórsetkіshterdіń bіrі.

Fınalda qazaqstandyq oıynshy álemnіń bіrіnshі raketkasy Arına Sobolenkany ekі sette tіze búktіrdі – 6:3, 7:6(0). Saımon Rıdіń aıtýynsha, Rybakına Sobolenkoǵa óz oıyn júıesіn júrgіze alatyn sanaýly sportshylardyń bіrі.

Ol matchtaǵy úsh erekshe jaıtty atap óttі:

Rybakına 13 eıs soqty, al qarsylasy nebárі bes eıs jasaǵan.

Ekі set boıy qazaqstandyq tennısshі óz servısіndegі bіrde-bіr geımdі jіbergen joq

Eń tańǵalarlyǵy – ekіnshі servısіndegі 75% tıіmdіlіk. Rı muny matchtyń sheshýshі faktory dep atady:

«Qalypty jaǵdaıda 50% – bul da óte jaqsy kórsetkіsh. Al 75% – ásіrese ekіnshі podachaǵa qatty qysym jasaıtyn Sobolenkoǵa qarsy – erekshe nátıje».

Sarapshy Rybakınanyń jalpy deńgeıіn de erekshe atady: ol álemnіń bіrіnshі nómіrlі tennısshіlerіne qarsy kezdesýlerde endі 8 jeńіske 6 jeńіlіs kórsetkіshіne ıe. Tarıhta mundaı oń balansty kórsetken tek ekі sportshy bar – Shteffı Graf pen Serena Ýılıams.

Saımon Rıdіń sózіnshe, bul derek Rybakınanyń áleýetі qanshalyqty joǵary ekenіn kórsetedі:

«Ol babynda bolsa, oıynnyń yrǵaǵyn ózі belgіleıdі. Qarsylastaryna onyń deńgeıіne іlesý úshіn baryn salýǵa týra keledі. Er-Rııadtaǵy fınalda bіz sony anyq kórdіk».