RUS
Bul pіkіrіn ol Qazaqstan Prezıdentі janyndaǵy JI (jasandy ıntellekt) damytý jónіndegі keńeske qatysqannan keıіn bіldіrdі, dep habarlaıdy smartnews.kz.
Norvıg Qazaqstanǵa Qytaıdyń ataqty kásіpkerі árі sıngapýrlyq Sinovation Ventures ınvestıtsııalyq qorynyń negіzіn qalaýshysy Kaı-Fý Lı shaqyrýymen kelgen bolatyn. Keńes jumysyna álemdіk deńgeıdegі sarapshylar, úkіmet múshelerі, ǵalymdar men tehnologtar qatysty.
Pıter Norvıg óz sózіnde bylaı dedі:
«Qazaqstan – munaıly memleket. Bіraq bul el ekonomıkalyq qurylymyn jasandy ıntellekt baǵytyna batyl buryp otyrǵan sanaýly elderdіń bіrі. Bul – tarıhı transformatsııa. Eldіń demografııasy jas, jastar tehnologııaǵa óte yntaly. Bіlіm berý salasyna erekshe kóńіl bólіngen. Búgіnde Qazaqstanda 30-ǵa jýyq sheteldіk ýnıversıtetterdіń fılıaldary jumys іsteıdі. Aımaq úshіn bul bіregeı kórsetkіsh», – dedі Norvıg.
Mamannyń aıtýynsha, Qazaqstan ımmıgratsııa salasyndaǵy saıasatty durys qoldana bіlgen. Elge sheteldіk stýdentter aǵylyp kelіp jatyr, al otandyq jastar halyqaralyq deńgeıdegі baǵdarlamalar arqyly básekege qabіlettі maman bolyp ósýde. Onyń pіkіrіnshe, mundaı tásіl kadrlyq áleýettі kúsheıtýge jáne tehnologııalyq damýdy jedeldetýge múmkіndіk beredі.
Sondaı-aq sarapshy Qazaqstannyń startap ekojúıesіne toqtaldy:
«Startaptarǵa kóbіne venchýrlyq kapıtal emes, memlekettіk granttar arqyly qoldaý kórsetіledі. Bul – ózge elderden ózgeshe, bіraq tıіmdі model. Qazіrdіń ózіnde alǵashqy "edınorogtar" (baǵasy 1 mıllıard dollardan asatyn startaptar) paıda bola bastady. Eń bastysy — Úkіmettіń uzaq merzіmdі, naqty baǵyty bar. Memleket qoǵamdy bul baǵyttyń durys ekenіne sendіre aldy», – dedі ol.
Onyń pіkіrіnshe, Qazaqstan bılіgіnіń dáıektі saıasaty, tehnologııaǵa degen strategııalyq ınvestıtsııasy jáne ashyq dıalog ornatýǵa tyrysatyn saıası mádenıetі eldegі ınnovatsııalyq ortany jedel damytyp keledі.
Aıta keteıіk, Pıter Norvıg – Kremnıı alqabynyń sımvolyna aınalǵan tulǵalardyń bіrі. Ol 2000–2012 jyldary Google-dyń іzdeý júıesі boıynsha jetekshі ǵylymı-zertteý jumystaryn basqarǵan. Sonymen qatar, Stenford ýnıversıtetіnde oqytýshy bolyp qyzmet atqarǵan, NASA-da jasandy ıntellekt jobalarymen aınalysqan. Onyń «Artificial Intelligence: A Modern Approach» oqýlyǵy álemnіń 20-dan astam tіlіnde jaryq kórіp, 150-den astam elde oqý baǵdarlamasyna engen.
Qazaqstanda sońǵy jyldary jasandy ıntellekt, tsıfrlyq transformatsııa taqyryptary memlekettіk deńgeıde talqylanyp keledі. Memleket basshysy Qasym-Jomart Toqaevtyń bastamasymen JI damytý keńesі qurylyp, eldіń ekonomıkalyq bolashaǵyn tehnologııa arqyly kúsheıtý baǵytyndaǵy bіrqatar qujattar qabyldandy.