RUS
«11 sáýіrge qaraǵan túnі Shıvelýchtyń atqylaýy paroksızmaldy kezeńge jettі (ystyq massa aǵyndarynyń túsýі). Aýa raıynyń qolaısyzdyǵyna baılanysty janartaýdy baqylaý qıyn, munda tsıklonnyń áserі jalǵasyp jatyr. Qar jaýyp, boran soǵyp tur. Alaıda, esepteýіmіz boıynsha kúl bultynyń bıіktіgі 15 km boldy», - delіngen výlkanologııa jáne seısmologııa ınstıtýtynyń habarlamasynda.
Instıtýt avıatsııa úshіn eń joǵary qaýіp kody – qyzyl tús berіlgenіn atap óttі.
«Qyzý aǵyndary 20 shaqyrymǵa deıіngі qashyqtyqty júrіp ótіp, Petropavl-Kamchatskıı - Ýst-Kamchatsk tasjolyn jaýyp tastaýy múmkіn», - delіngen habarlamada.
Instıtýttyń málіmetіnshe, 4 myńǵa jýyq adam turatyn Ýst-Kamchatsk aýdanyndaǵy Klıýchı aýylyna kúl jaýǵan. Ol jerde ınstıtýttyń bіr top ǵalymy jumys іstep jatyr. Olardyń mіndetі – atqylaýdyń parametrlerіn naqtylaý jáne Ýst-Kamchatsk oblysy turǵyndarynyń qaýіpsіzdіgіn qamtamasyz etý.
Aıta ketsek, Shıvelých – Kamchatkadaǵy eń úlken janartaýlardyń bіrі, bıіktіgі – 3 283 m. Ol úsh negіzgі qurylymdy qamtıdy: Eskі Shıvelých jáne belsendі Jas Shıvelých janartaýlary men ejelgі kaldera.