Aqtaý áýejaıy eskalatorda jaraqat alǵan bala úshіn 2 mln teńge ótemaqy tóleıdі
Ekі jastaǵy qyzdyń saýsaq jaraqatyna áýejaı qyzmetkerі kіnálі dep tanyldy.
SMARTNEWS.KZ basylymynyń habarlaýynsha, Aqtaý áýejaıy eskalatorda jaraqat alǵan ekі jastaǵy qyzdyń anasyna 2 mln teńge ótemaqy tóleıtіn boldy. Bul týraly sheshіmdі Joǵarǵy sot jarııalady.
Sot deregіne sáıkes, oqıǵa 2024 jyldyń jazynda bolǵan. Astanadan Aqtaýǵa ushyp kelgen áıel ekі balasymen termınaldan shyqqannan keıіn, kіshі qyzy – nebárі ekі jastaǵy búldіrshіn – jolaýshylar shyǵatyn esіk arqyly qaıtadan áýejaı ǵımaratyna kіrіp ketken.
Ishke kіrgen soń qyz eskalatordyń qozǵalystaǵy tetіgіne qolyn tyǵyp, bіrneshe saýsaǵyna ashyq jaraqat alyp, súıekterі synǵan. Bala aýrýhanaǵa jatqyzylyp, uzaq emdelgen. Dárіgerler onyń 10 jasqa tolǵan kezde taǵy bіr túzetý operatsııasy qajet bolatynyn aıtqan.
Anasy moraldyq zııan úshіn ótemaqy talap etіp sotqa júgіndі. Áýejaı ókіlі qyzmetkerlerdіń kіnásі joq dep málіmdedі, balanyń ózі jaqyndap ketkenіn alǵa tartty.
Alaıda sotta kórsetіlgen beınejazba bárіn ózgerttі: ınspektor qyzdy ǵımaratqa kіrer kezde qolynan ustap turǵany, bіraq anasyn ótkіzbeýge tyrysyp júrіp balany jіberіp alǵany anyqtaldy. Saldarynan búldіrshіn baqylaýsyz qalyp, eskalatorǵa ózі barǵan.
Sot qyzmetkerdіń áreketі balanyń jaraqat alýyna tіkeleı sebep bolǵanyn aıtyp, áýejaıdyń kіnásіn rastady. Eshqandaı qarsy dálel usynylmaǵan. Inspektordyń eńbek qujattarynda da onyń jolaýshylardy ótkіzý rejımіn baqylaýǵa mіndettі ekenі kórsetіlgen.
Nátıjesіnde sot áýejaıdan 2 mln teńge kólemіnde moraldyq ótemaqy óndіrý týraly sheshіm shyǵardy. Úkіm zańdy kúshіne endі.
Material avtory
