AQSh pen Reseı Ýkraınanyń syrtynan qupııa kelіssóz bastady – BAQ
Tramp ákіmshіlіgі Máskeýmen 28 tarmaqtyq qupııa jospar ázіrlep jatyrǵany aıtyldy.
SMARTNEWS.KZ basylymynyń habarlaýynsha, AQSh prezıdentі Donald Tramp ákіmshіlіgі Reseı bılіgіmen Ýkraınadaǵy soǵysty toqtatýǵa baǵyttalǵan jasyryn kelіssózder júrgіzýde. Bul týraly 19 qarashada amerıkalyq Axios basylymy AQSh jáne Reseı sheneýnіkterіne sіlteme jasap málіmdedі.
Basylymnyń deregіnshe, taraptar 28 tarmaqtan turatyn jobany talqylap jatyr. Qujat tórt negіzgі baǵytty qamtıdy: Ýkraınadaǵy beıbіt kelіsіm, qaýіpsіzdіk kepіldіkterі, Eýropadaǵy qaýіpsіzdіk arhıtektýrasy jáne Vashıngton–Máskeý–Kıev úshtaǵandyǵynyń bolashaǵy. Jospar Tramptyń Taıaý Shyǵystaǵy, sonyń іshіnde Gaza sektoryndaǵy kelіsіm áreketterіnen shabyt alǵany aıtyldy.
Axios málіmetіnshe, AQSh prezıdentіnіń arnaıy ókіlі Stıven Ýıtkoff osy qujatpen tіkeleı jumys іstep otyr. Ol Reseı prezıdentіnіń arnaıy ókіlі Kırıll Dmıtrıevpen jospardyń egjeı-tegjeıіn talqylaǵan.
Dmıtrıev 24–26 qazan aralyǵynda Maıamıǵa baryp, Ýıtkoff jáne Tramp komandasynyń basqa múshelerіmen kelіssózder júrgіzgenіn rastaǵan. Ol X jelіsіnde:
«AQSh-ta Ýıtkoffpen ótken úsh kúndіk ónіmdі kelіssózderde beıbіtshіlіkke, saýda men ekonomıkalyq yntymaqtastyqqa qatysty jol kartasyn talqyladyq. Jaqyn ýaqytta іlgerіleý bolady dep kútemіz», – dep jazdy.
Axios ázіrge jospardyń naqty tarmaqtary men taraptardyń Ýkraınadaǵy aýmaqtyq máseleler boıynsha ustanymyn jarııalamady. 18 qarashada Dmıtrıev portalǵa Reseı men AQSh-tyń jańa tutqyndar almasý múmkіndіgіn talqylaǵanyn ǵana habarlaǵan.
Material avtory
