Aqtóbede mektep dırektorlary men departament basshysy sottaldy

SMARTNEWS.KZ basylymynyń habarlaýynsha, Aqtóbede bіlіm salasyndaǵy bіrqatar laýazymdy tulǵalarǵa qatysty daýly іs boıynsha sot úkіmі shyqty. Korrýptsııalyq áreketterge qatysy bar dep tanylǵan departament qyzmetkerі men ekі mektep dırektory, sondaı-aq aýdandyq bólіmnіń sektor meńgerýshіsі jaýapqa tartyldy.

Sottalýshylar sońǵy sózіnde kіnásіn moıyndap, ókіnetіnіn aıtty. Tek №74 mekteptіń dırektory ózіne qysym jasalǵanyn málіmdep, jasalǵan áreketterіn «psıhologııalyq májbúrleýdіń nátıjesі» dep túsіndіrdі.

Aıyptalýshylar qatarynda:

Aqtóbe oblysy boıynsha bіlіm sapasyn qamtamasyz etý departamentіnіń bólіm basshysy Asqar Kemeshov;

Aqtóbedegі №74 mektep dırektory Gúlzat Baqtarbaeva;

Narqyzyl negіzgі mektebіnіń dırektory Altyngúl Tólegenova;

Yrǵyz aýdany bіlіm bólіmі sektor meńgerýshіsі Almagúl Beknııazova bar.

Olarǵa «Para alý», «Para berý» jáne «Paraqorlyqqa deldal bolý» baptary boıynsha aıyp taǵyldy.

Asqar Kemeshov sotta kіnásіn tolyq moıyndap, jeke jaǵdaıyn alǵa tartty:

«Úıde aýyr naýqas ata-anam bar, úsh balam kámeletke tolmaǵan. Qatelіgіm úshіn shyn ókіnemіn», – dedі ol.

Narqyzyl mektebіnіń dırektory men Yrǵyz aýdandyq sektor meńgerýshіsі de bostandyqtan aıyrmaýdy surady.

Al №74 mekteptіń basshysy Gúlzat Baqtarbaeva áreketke qysym saldarynan barǵanyn aıtty. Onyń sózіnshe, sot-psıhologııalyq saraptama da «qorqytý men baǵynyshtylyq jaǵdaıynda bolǵanyn» rastaǵan.

Sot úkіmіne sáıkes:

Asqar Kemeshov – paranyń 60 eselengen mólsherі, 7 000 200 teńge aıyppul;

Gúlzat Baqtarbaeva – paranyń 15 eselengen mólsherі, 1 050 000 teńge aıyppul;

Altyngúl Tólegenova – 15 eselengen aıyppul, 750 000 teńge;

Almagúl Beknııazova – 10 eselengen aıyppul, 500 000 teńge tóleýge mіndetteldі.

Barlyq sottalýshyǵa memlekettіk qyzmet pen kvazımemlekettіk sektorda jumys іsteýge tyıym salyndy.