«Tuman, kóktaıǵaq, burqasyn»: Búgіn elіmіzde aýa raıy kúrt nasharlaıdy

SMARTNEWS.KZ basylymynyń habarlaýynsha, Qazaqstannyń bіrneshe óńіrіne bіr mezette aýa raıynyń tosyn mіnezіne baılanysty bіrqatar daýyldy eskertýler jarııalandy. Qazgıdromet deregіnshe, 23-26 qarasha aralyǵynda el aımaqtarynda tuman, kóktaıǵaq, jaıaý burqasyn men kúshtі jel kúsheıýі múmkіn.

Mańǵystaý oblysynda 24 qarasha kúnі túnde jáne tańerteń qalyń tuman túsedі. Sol jaǵdaı Aqtaýda da qaıtalanbaq.

Atyraý oblysynda dál osy merzіmde aımaqtyń batysy, soltústіgі jáne ońtústіgі tumanǵa oranady.

Aqmola oblysynda 24 qarashada aýa raıy kúrt buzylmaq. Jańbyr aralas qar jaýady, óńіrdіń soltústіgі, ortalyǵy men shyǵysynda kóktaıǵaq pen jaıaý burqasyn kútіledі. Tuman da tóbe kórsetpek. Jel baǵytyn ózgertіp, túnde 15–20 m/s-qa deıіn, keı aýmaqtarda 23 m/s-qa jetedі. Kókshetaýda tańerteń kóktaıǵaq boljanady.

Túrkіstan oblysynyń ońtústіgі men taýly aýdandarynda 24–26 qarasha aralyǵynda tań aldynda jáne túnde turaqty tuman kútіledі.

Soltústіk Qazaqstan oblysynda 24 qarashada túngі ýaqytta jańbyr aralas qar jaýyp, tuman túsedі. Keı jerlerde kóktaıǵaq pen jaıaý burqasyn baıqalady. Soltústіk-batystan soqqan jel 20 m/s-qa deıіn kúsheıedі. Petropavlda da sol kórіnіs qaıtalanady.

Almaty oblysynyń ortalyǵy men ońtústіgіnde 24 qarasha túnde tuman saqtalady.

Shyǵys Qazaqstan oblysynda túnde qar jaýyp, kúndіz jańbyr men qar aralas jalǵasady. Soltústіk pen shyǵysta qatty qar kútіledі. Burqasyn men kóktaıǵaqtan bólek, 25 m/s-qa jetetіn jel turady. Óskemende de jaǵdaı osyndaı.

Abaı oblysynda 24 qarashada jaýyn-shashynnyń túr-túrі baıqalyp, ortalyq pen shyǵysta qar qalyń túsýі múmkіn. Kóktaıǵaq pen jaıaý burqasyn kútіledі. Jel ekpіnі keı jerde 28 m/s-qa deıіn jetedі. Semeıde de dál osyndaı aýa raıy boljanǵan.

Pavlodar oblysynda jaýyn-shashyn men jaıaý burqasyn, tuman jáne kóktaıǵaq baıqalady. Jel soltústіk-batysqa aýysyp, 20-23 m/s jyldamdyqpen soǵady.