Stomatologııadaǵy qyzdyń ólіmі: Anestezıolog jedel járdemnіń ornyna tanysyn shaqyrǵan

SMARTNEWS.KZ basylymynyń habarlaýynsha, Astanada tіs dárіgerіnіń kreslosynda kóz jumǵan úsh jastaǵy qyzdyń ólіmіne qatysty іs boıynsha sotta beınejazbalar zerttelіp jatyr. Tergeý epızodtary kórsetkendeı, klınıkanyń anestezıology Jumaǵalıeva shuǵyl jaǵdaıda «jedel járdem» shaqyrýdyń ornyna ózіne tanys árіptesіn shaqyrǵan.

Jábіrlenýshі taraptyń advokatynyń aıtýynsha, oqıǵa bolǵan sátte shaqyrylǵan dárіger klınıka qyzmetkerі bolmaǵan, al jedel járdemge habarlasý múlde keshіktіrіlgen.

Sotta túsіnіkteme bergen Jumaǵalıeva bul áreketіn «reanımatsııalyq kómektі jedel kórsetý úshіn reanımatolog maman qajet boldy» dep túsіndіrdі. Onyń sózіnshe, jedel járdem brıgadasy quramyndaǵy dárіger reanımator emes, al qyzǵa sol mezette tolyqqandy reanımatsııalyq kómek kerek bolǵan.

Sýdıa «Nege alǵashqy mınýttarda jedel járdemge qońyraý shalynbady?» dep suraǵanda, aıyptalýshy tek 4 mınýttan keıіn ǵana qońyraý soqqanyn moıyndady. Ol sondaı-aq júrek soǵysy toqtaǵannan keıіn defıbrıllıator qoldanbaǵanyn aıtty. Sýdıanyń «Bul kezde baladan aıyrylyp bara jatqanyńyzdy túsіndіńіz be?» degen suraǵyna Jumaǵalıeva: «Iá, júrek tolyǵymen toqtady» dep jaýap berdі.

Is materıaldaryna sáıkes, klınıkadaǵy jabdyqtar talapqa saı bolmaǵan, shuǵyl kómekke qajettі quraldardyń tolyq jıyntyǵy joq bolǵan. Prokýror Erkebulan Shalqarovtyń aıtýynsha, jospardan tys tekserý barysynda anestezııaǵa daıyndyq, kabınetterdіń jabdyqtalýy jáne medıtsınalyq standarttardy saqtaý boıynsha óreskel buzýshylyqtar anyqtalǵan.

Qyz 2024 jyldyń 30 qazanynda Sevoran preparatymen uzaq anestezııaǵa alynǵan. Otadan keıіn oıanbaǵan. Reanımatsııa nátıjesіz bolǵan. Ólіmnіń sebebі — júrektіń toqtaýy men mı іsіnýі.

Densaýlyq saqtaý mınıstrlіgі tragedııadan keıіn stomatologııalarǵa jappaı tekserіs júrgіzý-júrgіzbeý máselesіne qatysty túsіnіkteme berdі.