Almatyda atyshýly іs: blogerler men kásіpkerler іrі kólemde aqsha bopsalaǵan
Jábіrlenýshі 100 mln teńgeden asatyn qaryz jáne 28 mln teńge talap týraly aıtyp otyr.
SMARTNEWS.KZ basylymynyń habarlaýynsha, Almatyda tanymal blogerler men kásіpkerlerge qatysty qylmystyq іs sotqa jettі. Olardyń ústіnen «іrі kólemde top bolyp aqsha bopsalaý» baby boıynsha aıyp taǵylǵan. Istі jarty jyldan astam ýaqyt tergegen quzyrly organ derekterіn 31 arna jańalyqtar qyzmetі jarııa ettі.
Aıyptalýshylar qatarynda kásіpkerler Qurmanǵazy Aıtmuqanov pen Andreı Belıanskıı, sondaı-aq blogerler Damır Kúsheev pen Rýslan Karımov bar. Tergeý boljamynsha, olar jábіrlenýshіnі áleýmettіk jelіde masqaralaıtyn vıdeolar jarııalaımyz dep qoqan-loqqy kórsetken. Bul іste jábіrlenýshі retіnde kásіpker Baqtııar Blaev tanylǵan.
Onyń aıtýynsha, aıyptalýshylar áleýmettіk jelіdegі yqpalyn paıdalanyp, qysym jasaýmen qatar, burynǵy sot sheshіmі boıynsha tóleýge tıіs 20 mln teńge qaryzdan bas tartýǵa kóndіrmek bolǵan. Blaev tergeýge bergen túsіnіgіnde, ózіnіń aldyndaǵy jalpy bereshek kólemі 100 mln teńgeden asatynyn, al kúdіktіler talap etken «ústeme» 28 mln teńgege jetkenіn málіmdegen.
Al aıyptalýshylardyń qorǵaýshylary іstіń mazmunyn joqqa shyǵarady. Damır Kúsheevtіń advokaty Ámіr Akımjanovtyń aıtýynsha, taraptardan múlіktі nemese aqsha talap etken naqty dálel joq, sondyqtan іstіń bopsalaýǵa qatysty bólіgі dáleldenbegen.
Bіrneshe epızodtan turatyn іs alqabılerdіń qatysýymen Almatynyń qylmystyq іster jónіndegі mamandandyrylǵan sotynda qaralyp jatyr. Barlyq aıǵaqtar men derekterdі alqabıler baǵalaıdy.
Material avtory
